Келпитар  бицIи  агъай  фиркьай

Кканди  гис лап  ахIа  хIетият.

ЦIа  ибгIафе  агъай  фиркьай.

Угае ве кIилди  мал — девлет.

 

Iуьсеттарина, бицIиттарин  кканевелди

гъузуная  ме дунья.

Шиниккварин  Iэкьулсузвелин  даваттари

Дадар, бабар  бизар  акьуная.

 

АхIаттарин  тарбия  шиниккварис  дакканттар

Чаб  чиппис, ахIа  аргваттар.

АхIаттарин  хIуьлмат духIаттар.

Халкь  балайикк кичихьаттар.

 

Са  бицIиттин  тамашайикес.

Хулар  малар  дугуна  кеттархьуне.

Че къуншин духттир  Хизрин.

IуькIерин  таяйик цIа  керхьуне.

 

Ке  удигьай  къуншибур хьуна.

БицIиф ахIаф  дапуна.

Иттаф  Iуьссеф  дапуна.

Адахъуне  кIилди джемеIэт.

 

КьацIул  лекарикди хумбар.

кIилартIал алдавай идемар.

Лумар  кIетIабур  фай джигьилар.

Бадрабур  фай гьукай, шиникквар.

 

Бахтт бахттуни  булах  удигь  хьуна.

Iэмалар  шалангар бадил  хьуна.

Гьарай  гьурай  вахтт  вахттуни  хьуна.

Кедихьуне  лап  ахIа,  цIа  хатIа.

 

Таябур  дуканар  удигь  хъара гьуй

Зарар  хьасехи  лап ахIаф.

Адава  къаза — балла хъадаваф.

Аллагьди  учи  хъара  хьин  ухIурай.

 

Баркаллагь  зе  джемеIэтис.

Балла хатIайиккес чун  ухIурай.

Хъара  баркаллагь зе  джемеIэтис.

Ери  мурадар чве  бегьем  хьурай.

 

АхIа  баркаллагь джигьиларис.

Гемджег бахттар, чве  вартт  хьурай.

Чухсагъул  бицIиттарисра

Фагьум  Iэкьул, Аллагьди  чвасра  йирай.

 

Мазанаев  Хизрира  учин хизанари

Чиппин  патахъас, ва  аме учин.

Мукьун — кIилинттарира ччиппин

Патахъасра кидиркIвай чухсагъул

аркьая  джемеIэтис.

 

 

                     

                                           Каидова Эльмира Н., c. Буршагъ.