21 сентябрьди хье хIуькуматин хIатти Владимир Владимировича Путина адихьуне частичный мобилизацин указ. Ме указин ахттигьардилди акьуне джалла хье валаятин ешар хъудуьхьуь инсанарин ттурар кея кIеджар. Хабди башламиш акьуне гьерттихъди ме кIеджар ахъарукьас аркьай. Гьер инсанди гьергъилди кьабул акьуне ме кIеджар.
Фи фикир аркьайчин ме кардихъас чин ягIа гъургъуне Афганистандиъ дегIвиъ хьу, агьал Агъул райондин Миссиарин хIуриъ мегIелимвелди кар аркаьай ая Рамазанов Гасан Маллаевичахъай. «Зун Афганисттандин дегIвиъ хьуная инсан э. Зас джаллабурилас иджи ягIа дегIвин залумвелар, азиятар. Айчира зун ягIа майил аркьая хье хIуькуматин хIатти аттивуная маслихIетис. Зас ягIа ме кар арайил акьуф чара адававелди идехIела. ДехIела, хьин джаллабури кумак акьуна кканде ме читин вахттуни хье хIуькуматис хье сакинвел ухIас. Хье шиникквар, хье хал-мукь, хье Iусеттар ухIас ягIа хьин джалла са чIалал гъузуна кканде. Хьин дакьучин сара гьана э ме кар арайил аркьаф», — пуне Гасан Рамазанова.
