Хъучадиная ибгIа хьидин ягъар. Хьидана идже вахт э хуппурар даркас, ямишарин кIурар акуранас, гьер джуре овошар узас. Цулана са-са мукьари ибхьер амичира, агъучIас хъучурчIа гъазе укIер. Гьал ягъар ирхе хьегун, дуз акьуна кканде чIир хьунаае заборар, кIерчIунае цалар.
Вартти хIуриаc хъучучIун аф агъилди аме хандагар рукIуна. Исал акьун рекъера инсанарисра машинарисра. Райондин центордиъ Тпигъ, рухаъ ае рекъера аме агъилди. Цулана димари инсанар фацуна аттивуна аефе цилар. Мехьерихъас тич ушу рекъун вартал вус. Гисаъ хьунаая хIа аратI. БицIи шиникквар нагагь уликкес ккетархьуна гьучушухаба, адаргьасра кехIей мункин кар э. Афра машинар вере рекъуьл. ДжамеIет ппара гьаттвере рекъ э. РукIунаае хандакIариъ завал хьунаая чIирхIар. Башламиш акьу курар — вахтуни куьуркIуна ра кканде.
