Коронавирусдин итталин гьава яваш хьуна айчира, инсанари чиппин сагъвелдин эхIттият фадихьай адава. Ме итталикес инсанарис дагуф адава, дехIела мугъатвел фартай адава джемеIети. Хъара гьертти учин сагъвелдихъ хъуттурфуна аркьая вакцинация, гьалдис вакцинация акьунаттари, вахттар алттархьехаб, аркьая ревакцинацира. Сад вакцинация акьуна дишагьлибурикес, Агъул райондин хIа инсан, Ахмедова Нафисат Рамазановна. «Сифтта ме иттал бадил хье вахттуни, ппара Iайи иттархьуни зун. Амма фи ичин зас тегуна ягIархьуна адавуйи. Хабди джаллабур иттархьас хъучучIуф, зун гъавурдиъ архьеф гьеме ппара инсанарин сивил але коронавирус агъа иттал идеф зас киркьунаф. ДехIела э зун зе яшунихъ хъуттудурфуна, ке удигьай рази хьуне ме итталин руб йирхIас. Ме кардилди ке удигьай зун зе джандин сагъвелдихъас фикир акьуне, хабди хулаъ ая хизанарихъасра. Фас пучин, сагелай хулаъ сад иттархьехаб, кедишай-кедишай иттарве джалла хизанар. Миштти идегуна, хабди руб-дармандисра ппара ачаве, гIезабар, азиятар гъададивуна, зе насихIет джалабурис ме итталин руб йирхIуб», — пуне Нафисат Ахмедовайи.

Луиза Гусукаева