Са вахттра хьуна адава хье дуньяйиъ са пай хIуькуматари, шагьурари алттивуна Q –кодарин, вакцинацинин сертификатарин тIалабар. ХIапай мишттин тIалабар аяф и хIуькуматин курарил але инсанарис, инсанар ппара завал вере мукьарис. Миштти идегуна, джалабурин фикир ве ме итталин гудж яваш хьунафегьан пуна. Амма ме иттали мункинвел ирцIанди адава инсанарис ачухъ хьас.

Духттурарин хIисабарилди, ая хабар хаб цIае джуре коронавирус итталин стелс-омикрон агъаф гъайшая пуна. Ая сасра хIуькуматарин шагьурар, ме цIае джура итталин ахтармишар хIекь хьуттар. Хье хIуькуматин хIа духттурари хабар йине, мункине пуна са хьибу- якьу вазалас ме COVID-19 агъа итталин цIае джурейин хIава хаб гъайшиб. Хье хIуькуматари коронавирус итталин гудж яваш хьунайчира, ая инсанар, агьалра ме итталин руб ататтар, йирхIас кьастт аяттар.

Байрамова Алисайи кар аркьая Типпигъарин хIуриъ ая садикдиъ.Ме э шиниккварис ямагар аркьаф.Час Алисайи ахъакьуне ме кардихъас, фиштти учи кьастт акьуф ичин ме итталин руб йирхIас.

— Цац хьидана, коронавирус итталин дельта-штамм гъайши вахттуни, иттархьуне зун, закес хулаъ аттарисра кедишине. Са вазала кардил вес хьундава. Ппара гъам кей уйи зас, нагагь садикдиъ ая шиниккварисра кедишасе пуна. БицIи зе джандин гьава ачухъ хьеф, ушуне зун хье райондин больницайиди ме итталин руб йирхIас. Августтин вазала зун йирхIуна коронавирусдин са компонентин руб «Спутник лайт» агъаф. Зун хIисаб аркьа, мишттин азарис руб йирхьуб зас суман, зе хулаъ аттарисра садпе кумак э, хъара зун кар аркьая шиникквар ая мукьуйиъ. Зас зе шиникквардегьен кканде садикди аттара.Зун хIисаб аркьа, эхIттият зас суман, джалабурисра иджи э, — пуне Байрамовайи.

Наибет Гасукаева