Инсандис тIабиIети йина ке хIа савкьат э сагъвел. Фидегьен девлетар хъайчира, джандик ягъниш кей Iуьр алди ая вахттуни, инсандис фера аргвайдава. Гьалдис уйи итталарихъди, кIваъна-кIилиъра адавай алчархьуне хъара коронавирус агъа итталра. Ме итталихъай лап Iайи читин хьуная халкьдис. ЯгIайин ягъас ме итталин Iеламат дагу инсан, хизан андава. Са багухъас, ме иттал алттушубан кардинра ппара хIа къалат ая инсанаринра. Алийина ая къадагъабурис ул-ибур ирцIандавуйи, алтухъ инсанар ппара ая усариди мева агъайчира, вес алучIайи. Хабди, чаб иттархьеф кидавай, джалла хулан хизанара иттархьас аркьайи. Хъара хулаъ махьтабариъ ая шиникквар, хIуькуматарин курарил алди ая хизанар айчин, мебури хулаас аттфайшуна, хъара ппараттарис кедишас акьуна, иттархьас аркьайи. Къадагъабур акье, эхIттиятар акье пегуна, инсанарин хиял ве, мебур гьакьан аркьа ахттилатар пуна. Хъара ппара тIалаб аркьай ая инсанарикес, джандин сагъвелдихъ хъуттурфуна, вакцинация акье пуна. Фас пичин, ягIайин ягъас милас алтухъди ме итталиккес ухIа кар адава.

Л.Гусукаева