Ахиран вахттари дуньяйил алди ая ахттилат коронавирусдинф э. Джаллабурин сивил алди ая ме иттархьуне, те больницайиъ хьуне агъай. Ппара читин хьуне инсанарис сифтта ме итталин гъавурдиъ архьасттегьен. Е ме итталис хъудуьхьуь руб- дарман адавай, гъамаз хьуне ме иттал. Духттурари чиппивас вереф аркьай и, ппара загьмат хьуне мебурисра. Чаб ягъди иттаттарихъай кар аркьай, духттураринра арайиъ кедишиттара ппара хьуне, кIебара хьуне. Фишттира ме итталин эвел акьас давей, духттурарира, хIуькуматарин хIаттарира, чIал сад акьуна, алийине инсанарис къадагъабур. Хабди гIелимари аттивуне ме итталис дарманра. Сифтта иджи хъудугъай хьуне инсанар ме дармандин иджвелихъ. Амма чиппис гучIайчира, йирхIас башламиш акьуне инсанари, фас пичин, итталигьас хъара Iайи гучIайи. Сара ме рубукес кея иджвел агуф, башламиш акьуне йирхIас. ЯгIайин ягъас, хье райондиъ ая хIа пай духттурари ахттигьар йина инсанари акьуная ме вакцинация. Гьал аттархьуная хъара 12-17 исар хье шиниккваринра вакцина, амма михъди мехIелдис инсанар иджи арайил вей адава. Шиниккварин сагъвелдин кьадри аяхаб, йирхIуна кканде гебурис рубар.

Луиза Гусукаева