ЯгIайин ягъас хье дуньяйиъ коронавирус итталин четинвелар ккиркIуна адава. Гьер ягъа иттаттарин сан ппара вея больницабуриъ. Агьал хIапай иттаттара шиникквар э. Са ягъан арайиъ 200 дегьен шиникквдин ПЦР-тестар хIекьар агвар аркьая, 80 дегьен шиниккв  больницабуриъ ая сагъ аркьай. Хъара, духттурарин чIаларилди, хIапай ме иттал  алзиянф шиниккварил э. Кьанди минздравдин хIа духттурари хабар йина уйи хье хIуькумати гьал адихьуна ая пуна шиниккварис ата коронавирусдин дарман «Спутник-М» агъаф. Духттурарин хIисабарилди, ме агьал ая «омикрон» агъа штамм коронавирусдин рехIети алттвейчира, амма иттал сагелай алгъазийихаб, ппара гагь ве сагъ давей. ХIапай ме иттал агьал хIаттарис дахи кедишафра бицIиттарикес э. Миштти идегуна, ппара ме итталин кар читин дахьас, агьал хье хIуькумати фартая джала шагьурариди, районариди, хIурариди дарманар-бицIиттарис «Спутник-М», хIаттарис «Спутник-V», хъара «Гам-Ковид-Вак» агъаттар. КIилди ме дарманар фартаяф хье хIуькумати гьавайи э. Хъара гьер гелай духттурари тIалаб аркьа ишламиш акьас маскабур, ича дарманар, ппара инсанар завал вере мукьариъ эхттият акьуб.

Наибет Гасукаева