Хье Дагъусттандиъ ае бицIи шиникварин Н.М. Кураеван тур але больницайис  йиная лап кьитди ая чирхIе иттал хье шиниккварис йинккане дарман. Ме дарман хъучатубахъ хъучушуне хье республикайин хIаф Сергей Меликов. Ме кардихъас ахъакьуне хIаттин кумакчи Магомедали Саламова.

«Сергей Алимовичас ишкат акьуне, ме шиниккварин Iуьмурдис герек дарман  адава пуна. Учис хабар адегъилди ми ме кардихъ хъучушуне шиниккварин Iуьмур бадала. Сергей Меликован тIалабилди ме кардихъ хъучушуне москвайин «Скай Медик» агъа идара», — пуне Саламова.

ЯгIайин ягъас Магомедали Саламовра, Народный собранин депутат Кирилл Глазовра, хъара «Живи и дари жизнь» агъа благотворительный фондунин хIаф Лейла Керимовара хъай ушуна ме больницайиди фачийине ме дарманар. 

Ме больницайин хIа духттура Башир Махачева чугъсагъул пуне Сергей Меликовас ме «Иммуноглобулин» агъа дарман гъушубан. Мин чIаларилди ме ке Iайи ме шиниккварис герекди ае дарман э. Ме пандемия хьехаб ме дарман джикIенасра читин хьеф. Больницайихъ пул хъаячира мидегьен дахи гъушанас вей адавуйи.

«Ме дарманди шиниккварин хIел идже хьас аркьа, химиотерапия аркьагунара рехIет ве», — пуне онкогемотологический отделенин хIаттин кумакчи Индира Юнусовайи.

«Хабдира чин ул алдихьасттава, эгера керек дарман хьичин вахтт ами хъучавей акьасе ме кардихъ», — пуне хIаттин кумакчи Магомедали Саламова.

Батитай Габибулаева