Итталар дуьйин варттал ппара ая. Гьер са инсандил алчархьас мункин кураре мебур. Хьеал алчархьа итталар чарабур вереттар хьурай. Амма ппара макур кея азар хьуне Iу исан удигьди халкьдин арайиъ бадил хьу коронавирус агъа иттал. ЯгIа сайин симптомар са джурайинттар хьучин, багайис сасра инсандин лап сасра джурайин симптомар вейи. ДехIела духттурара гъавурдиъ архьайдавуйи гьинасс фишттин чара аркьайчин. Ме кардилас аслу и джигьил, Iусеф дагъай ацIуна инсанарин Iуьмурар пуч хьуне.

Гьал, Iу ис ккеттушухаб, духттурарис ме итталин хIел ягIархьуне. ДжемеIетис чиппи акьуна ккане эхIттиятара ягIархьуне. Ичира ме макурзана вирус хьегьас варха акьубан ке хIа вакил вакцина хIисаб аркьа. Миштти идегуна, учихъас, учин багу кIиларихъас фикир аркьая гьер са инсанди, яхI аркьая ме руб йирхIас. Гьемишттин фикирлу инсанарин джалгайигIас э ХIева Курбанова.

— Фи фикир фай акьуф э вунпрививка?

— ЦIайи ме иттал гIатти вегIдайи зун иттар хьуне. Ппара четин хьуне зас. Амма бахттунис закес зе хулаъ аяттарис сайисра кедишиндава ме иттал. ДехIела, нагагь Iудпугелайра иттар хьучин зафас гъадивасра хьасттава, хъара мункин кар э хуланттарисра кедишиб пуна йирхIуне зун ме руб. Зас пас кканди ая,  гьертти учи – уч духIухаб сасрайифас хьин ухIас хьасттава пуна.

Салихат Малагусейнова