10 пе июндиъ джигьиларинра спортин Али Алиеван ттур але дворециъ Каспийскдиъ дахъуна хьуне хумбарин чемпионат России вольный борьбайиас. Мисаъди адина уйи Дагъусттандин Правительствоин председатель, Дагъусттандин спортивный борьбайин президент Абдусамад Гамидов, Дагъусттандин Главайин Администрацинра Правительствоин хIаф Исмаил Эфендиев, Российин спортивный борьбайин президент Михаил Мамиашвили, Дагъустандин спортин министр, хъара сасрабура. «ЯгIайин чемпионат аркьай аяфе хьин хIуькуматин хIаягъас — День России агъаттис. Зас пас кканди ая мисаъ айчIуна укъас мидеттарис батIарди тамашингъилди Iемалар даркьай укъагъилди. Ме чемпионат хье джилил акьуб ппара хIа хIульмат кар э хье спортсменарис хье хIуькуматт, хье республика зурбадалди агвар аркьай аяттарис, ппара хIуьлматкар э хье борецарис. Загалав Абдулбековас, Бувайсар Сайтиевас, Мавлет Батыровас, хъара сасрабурисра»,- пуне Абдусамад Гамидова.
Хъара ми чухъсагъул пуне Михаил Мамиашвилис Дагъусттандис яб йибас. «Федераци хIа гаф акьуна уйи че удигьайра акьу мишттин соревнованибурихъас. Миштти чин акьуне олимпиада хьастти уйи чемпионат России, ппара ухьтанди арайил акьуна уйиф»,- пуне Дагъусттандин Правительствойин хIатти.
Премьер министрди хъара пуне идже чIалар Дагъусттандин борецис, идже тренердис Юрий Шахмурадовас, региондин хIаттин Рамазан Абдулатипован указилди орден йина аяттис » За заслуги перед Республикой Дагестан».
Учин багухъас ФСБР президенти чухъсагъул пуне ме чемпионат хье джилил гъас кьабул акьубан.
«Ме ппара хIа кар э Дагъусттандис. ГьакIанди дава соревнованибур вей аяф мисаъ, ме джилил э хьуна кканди аяф — гIаттивубра, хIезур акьубра Олимпийский играбурис. Мич адина аяттари чиппиъди дивуна кканде гъалибвелдин гIедатар, Дагъусттандин борецариъ ацIуна исари аяф. Чвас бахтт хьурай! Зун хъугъая ягIа хьевас хьасе пуна кезурбабур гIаттивас чвагIас, кIил агьукIас дакьуна Париждиъ хьас миде чемпионат мирайидира иджи укъагъилди. Чухъсагъул Омар Муртузалиевас, Правительствойин хIаттис Дагъусттандин Абдусамад Гамидовас, республикайин хIаттисра Рамазан Абдулатиповас, хье гьава гъадиваттис», — пуне Михаил Мамиашвили.
Российин спортивный борьбайин Федерацин президенти йине Благодарственый грамотабур » За развитие спортивной борьбы в Республике Дагестан» Дагъусттандин Главайис Рамазан Абдулатиповас. Народный собранин председательдис Абдусамад Гамидовас хъара Дагъусттандин физический культурайинра спортин министирдис Магомед Магомедовас.
Мисаъди укъас адина, завал хьуна уйи 120 спортсменна 8 къаттиас, хье хIуькуматтин 32 региондиас.
Ттурнир кIиркIухаб ягIархьуне наябур зурбабур хьунчи: Дарья Лексина (Краснодарский край; 48 килавиас), Стальвира Оршуш (Бурятия; 53 килавиас), Мария Гурова (Московская область; 55 килавиас), Валерия Коблова (Московская область-Санкт-Петербург; 58 килавиас), Любовь Овчарова (Краснодарский край; 60 килавиас), Валерия Лазинская (Московская область-Санкт-Петербург; 63килавиас), Ханум Велиева (Краснодарский край; 69 килавиас), Алена Перепелкина (Санкт-Петербург; 75килавиас). Джалла призерарис йине подарокарна пулар. Садпе мукьар гъуйуттарис хьуне машинар, Рамазан Абдулатипован ттуранихъас йиттар.
