Инсандис ке идже къулугъ — учин загьматилди къазалмиш акьуб. Авалан вахттари инсанар Iурд, гIул дагъай лиханди учин кIил ухIас, малар, хIуппар ухIай. Загьматихъ хъуттурфуна ппара хIа кар э хIуппар узуб. Гьал инсанарис лиштти хIуппар, малар узуб кнанди андава. Миштти идегуна инсан тич, мич йирхIуна кканве дуламиш хьас. ЯгIа зас чвас пас кканде хIуб ухIубахъас, узубахъас. Агъул районди авалан вахттари са Кьушан-дере дала адавуйи хIуппар узай чиппис нис аркьаттар, масса ирцIантар. Амма загьмат кея кар ичира, муфеIет кеттивас вере кар идеф ягIая хье агъуларис, узай нисар аркьаттар ппара хьуна ая. Гьал хьин улар атучин, гьер хIури хIуппар узаттара хьуная Типпагъарин, Бедухъарин, ЯрIугIарин хIурариъ, Кьушан-дерейиъра хъара ацIун ая хIурар. Хьибу, якьу вазала загьмат дивуна ацIуна хайир ве нисикес.​ ХIуппар уза вахттар хъучадигуна, хIуьппехъендисра, хъара ккеларихъ хъая инсандис ирцIанфе са-са гIан нис акьас. Фас пучин загьмате хIуппарихъ вес. Гьелегуна хIуппанра, хIуьппехъендинра кьимат аяф. Кар даркьай эркьвай далара, лихуб инсандис ухшар э. ХIуппакес, малдикес муфеIет кеттивас ягIаттар хъара ппара хьурай хье Агъуларихъ.

Расим Гучудадов