Ацlуна тамашин мукьар, усар ая Агъул райондиъ. Са-са мукьар гьегебурикес Ярlугlарин хlуриъ. Авалдин шейъэрис тамаш акьучин, хьибу мазгит ая Ярlугъ. Са мазгит цlайи акьуна гьалра кар акьай аме. lудпе мазгитан цалар архьуна ая, ама цалар аме. Хьибудпе мазгитахъас зас чвас ахъакьас кканде.

Ге мазгитан джуревел фи э пучин: гин гlанаъ ая джилин кlенаккес ккейчlвай хьед.  Мазгитан гlанаъ инсанари акьуна ая гъвандин хlебз къулгун джикlес. Ге кьуллайихъас ацlуна ахттилатар ахъакьуне хlурин имамдира Кьулбан-хlаджи. Ге кьулла ая мазгитан ишкилар ая Дагъусттандин педагогический институтин исторический факультетиъ.

Ге хьед 1970 иса файшуне ахтармиш акьас. Хаб фи хьучин, инсанарис хабар адиндава. 2005 иса хаб файшуне: хлоридно-гидрокарбонатный группайигlди гlачихьуне ге хьед. Авал заманайилас мич ге хьеттин ад ая Агъул райондиъ, дарман кеяф э агъай.

Ппара кумак аркьа ги гlанаъ lуьр аркьаттарис, мавун чаркквариъ гъван аяттарис. Гьер хlуриас кам вейдава инсанар хьед гъас адиттар. Гьал ге хьед агъафайдина ая хlурин яlанигlди. Гьал ге мазгитра инсанари ккегъдивасе агъай ая.

Расим Гучудадов