ХIа пай инсанарин хулариъ ахьасе махакин кIуранин тIурар, ке Iайи ишламиш аркьафра гьаме тIурар э. IелеттигI гIархъа ругIуна, чайигI мебур сагъди ами гIархъа, Iурдис хIезур аркьая маринадаригI, кьеланттаригI, са чIалалди, итте задаригIра кегьей гIархъа.
Мин гереквел агугуна, сасра специбур садра мигь гьучикIас хьасттава.
Инсанар гьер джуре аве. Гьер исандис учис ккане тIемар аве. Гьаме махакра кканефра дакканфра ая.
Рукъас акьуная махакин тукун кIиларик ацIуна витаминар кея. Мебур гьер ягъа чIукь-чIукь ишламиш акьучин инсандис муфеIэт ппара кея.
Микес кумак ве шарар кеяттарис, грибок кIес аркьа, вирус кIес аркьа, джандил Iуьр алдеяттин Iуьр атIас аркьа, къарфун иттаттис кумак ве, сахтте инсанарин хасият сакин аркьа, кIилиъ Iуьр аркьаттис, грипп хьуттис, мухур хъаяттис, сахарный диабет, астма аяттис, хъара иммунитетра гъадива. Кумак кея микес ппаппрус дива инсандис ппаппрус фадихьас кканчин.
Амма гьер са IуькIуьк иджвел суман Iайвелра кея. Ишламиш акьас кедава ме: лекул къикъи ая дишагьлис, хьибу ис дахье бицIиттарис, аллергия аяттарис, къарфунил, рударил йирхIунар алдеяттарис. Давление ппара идеттарисра.
Салихат Малагусейнова
