20 пе октябрдиъ Дагъусттандиъ садпегелай хьуне диктант хье Дагъусттандиъ ая миллатарин чIаларин. Ме кар арайил акьуна хьуне Дагъустандин Министерство по национальной политике агъа идарайи Дагъусттандин культурайинра чIаларинра хIаягъахъди. ДГУйин филологический факультетиъ джалла кканеттаривас вейи ликенас диктант аварарин, агъуларин,азербаджанарин, даргибурин, кумыкарин, яхуларин, лезгибурин, ногъаярин, Iуьрусарин, рутуларин, табасаранарин, джугьутIарин, цIахурарин, чеченарин чIаларилди. Ме кардихъас завал хьуттаригI гIуйи студентар, профессорар, журналистар, респупликайин министерствобуриас сае идарабуриас адина ая инсанар, гIалашувар Дагъусттандин сае районариас, шагьурариас адина аяттар. Министр по национальной политике Дагъусттандин Татьяна Гамалейди ахъакьуне. Экспертный совети чиппин идарайин, фикирар аркьай ай фиштти аркьайчи хIа ягъ Дагъусттандин хIатти Р. Абдулатипова пе чIал — хIа ягъ аркьагъилди Дагъусттандин культурайинра чIаларинра «Хье гьер миллатарин культурайис Дагъусттандин гьер миллатарин чIаларис рукьай ая учин хча ягъ. Тотальный диктант суман маджлиси кумак акьасе Дагъусттанарис фикир акьас хIа ягъ. Учи акьуна кканди ая кар гьертти учин чIал ухIас», — пуне министрди. Т.Гамалейди пуне кIваъ ая пуна Тотальный диктант Дагъусттандин миллатарин чIаларин гIедет суман верегъилди, хъара хIайи аркьагъилди, хъара ппара джемеIет завал верегъилди хье региондиъра, те багварихъра. ДГУйин филологический факультетин декандис фикир хьуна ая, ме маджлис хIа кар идеф факультетис кидавай джалла Дагъусттандисра. «Ацуна уйи аудиторибур Iуьрусарин, аварарин, даргибурин, кумыкарин, лезгибурин чIаларин. Гъавурдиъ ая ибур ицIанди аяф чIукь ая миллатарин чIаларисра»,-пуне ги. Са дишагьли диктант ликенас адина аяф Наиля Эфендиева кьасустира ахттияр гъуйуна адина уйи кардилас. Учмн учин диктант ликIина ги ахъакьуне учин фикирар» Ме кар диктантар ликIиб зас кьабул вей ппара гагь э. Унихьуф диктант аркьая пуна Дагъусттандин миллатарин чIаларин зун тегIде хьуне. Кканхьуне ахтармиш акьас зе гIилму мактабиъ зун ягIар аркьай хьуне зе чIалра литература 5пе классихъас 11пе классихъди рукьуна, амма мактаб кIиркIухаба 2004 исан хаб зун дуламиш вей ая шагьурдиъ. Хабар вея гъургъургъа чIал кIвалас вей аяф, ге кардихъас кканхьуне хъуттурфанас гидегьен чIирхIи айчи ликIибра». Ахир кIил фиштти хьунчина ахьасе Министерство по национальной политикайин сайтуниъ 28 октябрдиъ.
К.Мирзоев
