Iуьрусарин мисала аефе хIуькумитиъ Iу бала аеф пуна, садпеф куме инсанар э, Iудпеф рекъер.

Зас куме инсанар далара рекъри ппара зарар ицIанф суман ве халкьдис. Пасттава хьин  хIурин рекъерихъас  райондин рекъерихъас, юждагдин рекърихъасракехIей, хье джемеIет кеппара лихан рекъер ичира. Пас кканди ая Дагъустандин йиркIурахъас, кехIа шагьурдихъас, столица агъа ттур алеттихъас.

Хьуне цулин вахттар, угъуне угъалар. Цулана угъалар угъаф сайисра ягIай адавуйи, джалла накь хуна аяттаре, зун агъай аеф хье хIекимарихъас. ХIа процентар агъай чаб фидегьен хIезур хьуна айчи Iурдихъди цулин музи угъай ая угъалин эвел акьас вей адава. Ибхьер угъучи хъара тIурфан гъузанасехи.

Са  Iу ягъари вазалан  къайда угъуна ая  агъай угъалар МахIачкъала шагьур гъузуна ая. Алтухъ угъубра андавуйи, амма хьед чIукь хас дегIер вей адавуйи. Iу агъзур инсандегьен дуламиш вей ая шагьур фи хьуна  гъузуна айчи. Инсанар тич акьуна, хьеба машинар гIаттвес давере рекъер уйи, хьеттар гIачавей, хутар аттархьай чIир вей.

Сайи джипун рулухъ хъаятти рекъуьн те багуликди кеттвес давей ая инсанарин удигъ гъурзар акьуна дихьи хьеттигI гIачикуна учин машин кьабахъ раккар дахъуна са багулихъас агъикай джуре багулихъас адайчIвай хьуне инсанар. Ге балайигIас маршруткабурира хъел акьуна давей ая. Ме алчархьу балара хIекимарис чиппин курар фиштти аркьай айчи тIегIем хьурай.