Мусс хьучира ягIархьас кканди аве джалабурис ирхе Iуьмурдин инсанарин Iэмал фи эгьан пуна. Кавказдиъ ая инсанарикес Дагъусттанар хIисаб аркьа ке ирхе Iуьмурдинттар, хIа пай сувариъ аяттар.

Фас пучина мертте гьава суман Iеле шейъара мерттеттаре. Сувариъ ая инсанарин хIа пай Iеле шейъ э гьертти учи хулаъ акьуная гуни, некк, нис, якк хъара учин загьматилди узуная бустандиас кеттиву мехIсулар. Дукандин шейъ ппара гъуландава. Кьанди хье инсанарис ягIархьуне ишламиш акьас хIалатут.

Пара аркьа хIалатут хье Дагъусттандиъ аварарин, буркьунарин хIурариъ. Ая гьер джурайин хIалатут: машмашинф, хеваринф, буранин тумаринф, семечкайин удараринф. ХIалатут уч э IуькI. Гьеме IуькIерин тумарикес акьу хIалатут хIекьданф хIисаб аркьа. Ке удигьай уджас арка ударар, хуппай ругIа гъвандин рагIарилди.

Хъуьхъе ччам гIачатуна, гIадаркуна уьттра ве хIезур хIалатут. Ишламиш аркьа хIа пай куче муссуйигI, ашаригI, ашугI гIихьа, хъара алдаркун гунил Iелде. Фиштти ишламиш акьучинара, инсандис ппара муфеIэт кея мик. Нае инсандис хьучира дуьрхьефра э, джандис ппара кьуватра ирцIанфе.

Наибет Гасукаева