Тпигъарин хIурин спортзалдиъ гIуланара, Iурданара, ягъуйра, Iуьшуйра кам вейдава инсан. ХIаф бицIиф дагъай тупп дурхIай, укъас ягIар аркьай, штангабур гъадивай элдетмишхьуна аве мебур мисаъ. ГIулин вахттуни гьерф тич- мич ушуна, вегIдайин курар алчархьуна джигьилар чIукь вей аве спортзалди, амма дзю-до укьас ягIар аркьаттар гьер ягъа аяттаре вахадну ягъари кидавай. ГIулин вахттуни раккагьра ибгIа ай гисагьра элдетмиш акьас ве инсандивас уч. ЦIул хъучадина, ягъара джикъе хьуна мекIер хьуф хъучучIа джигьилар вес спортзалди. Iуьшуй ушучира ибгIара аве, Iеквра аве, вас фи кканчи дурхIасе вун. Амма кеIайи гIешкъ аеф, дурхIас кканеф мисаъ регби э. Регби пуна уч ппара ухшар э баскетболдис, амма фаттивубар, гуджаракьубар, тупп фай гьуккубар регбинттар. Спортзалди ачагъилди вун бицIи гьуккуб зад акьуна, гIаттивуна командабура хъучучIаяфе дурхIас регби. Инсан ппара хьудегьен командабура ппара ве. Ппара хьу вахттари аве якьу гIифу командара. ДурхIа багвара дурхIуба акьуна цIегIифу къа минутиъ. Са ихьу тупп са очко ве. Нагагь ппара хъаяттис ихьучина гин са очко хъартIа, нагагь ничья давахаба са командайихъ ягъди «ноль» очко хъавереф. Гиштти дурхIа вахт кIиркIвасттегьен. Ппара очкобур хьуф гъарибве. Нагагь сайихъра хъадаваб очкобур ицIанде вахттнайи гьинас удигьай ихьасчи. Удигьай ихьуф гъалибве. ДурхIаттар ппара бизар вере тамаша э. Нагагь командайигI сад хьуна Яш хьуф, гIеджиз суманф, е иджи дурхIас дагIаф гIайчи ге команда ккедикаяф э. Алдегьен командабури дурхIуна кIиркIухаб чиппин аме гуджарихъ, вахттунихъ хъуттурфуна сад сайис укъас ягIар аркIа, тупп аркьа, штангабур гъадива, дурхIаттарихъ хъуланди амилгванде. Мишттин мукь хьуна ппара идже хьуна ая хье джигьиларис. Iари джигьиларис ичи. Адина тупп дурхIай аве джигьиларигI гIай яхьцIур ис хьуттара. Спортзалди адиф келлайиъ ая фикирар, гIезабар кIвалас ве, сагъвелдисра иджи э. Ирхе Iуьшари фи аркьвайчи дагIай алгуна дурхIас дакканчи адина дурхIаттарихъ хъуттурфучира йиркIв алттве. Нагагь мишттин мукь адавуйчи мич вередегьен джемеIетигIас сад хьунара алттархьаси чIирхIе курарилди. Инсан завал вере мукь адавагуна учин эл ккетас, читин э кIилиъ фи айчи ягIар акьуна алттархьас адатас ге.
Спортзалар хье райондиъ ппара хьурай гич вере агъул игитара кам дахьурай.
