Са багулихъас хье райондин джалла хIурариъ субботникар аркьай ая мерттвел хьурай пуна, батIарвел хьурай пуна, инсанарис идже хьурай пуна, джуре багулихъас бусулманар агъа ттурар але инсанари чиркин аркьай ая ферра адавай мертти ая мукьара кегьей. БурчIан адаваусакес чиркин акьуна фарта. Зас пас кканде аяф э Тпигъарин хIурин мугIуйихъас э. Кьубин булахин багулив фая мугI чIирхIар фадархъай барбатI акьуна ая. Пасе хьин даргва мукь идехаба, БицIигIаналас мугIуйилди алавестти ул фатугуна аргва акьуна ая бурчIан, багулив авалан хIе бурчIан файчира. Сае вахттари гъазе IуькI агъучIуна батIар вере мукь, гIулин вахттари шиниквари яIар архъагуна рагъ ис, ибгIа акьас, кунар аликIас, алдахъас завалвере мукь авалдин вахттари хаб мич барбатI  акьуна ая памперсарилас, пакетарилас мич фадахъуна. Фиштти э дихьи хIурин яIаниъ чIирх фадархъагуна меттхьун вереф. Гишттин инсанарин  кьабахъ хъуруцай акьуна кканде сара айчи субботникар. Багулив дахьичира ая бурчIан, нецIугI гIихьучи гIагъаяф э гьинасра дагуна.

Инсанар ваккарилас чиркин хьуна ая. Ме кардихъ хъучеверегъилди пас кканде ая хIурин хIаттисра, надзорный идарабриса. Кканчи фуш ичина яг Iар акьуна мертт акьас акьурай, кканчи субботник акьурай.

Гьал алтухъ нецIверигI гIудучIайчира авалан хаб ттур ая мукь «МугIуйин кьаб» агъай.  Са чIукь буш мева, инсандиас фи хьучира аттархьасе.