Ме дурахIелар аркьайи шибери. Ке удигьай мисаъ герек вейи гIуьфуд сасуман гирген къуттар. Тумбучаяр дурхIагуна агъайи са гъилинтар, хъара Iу гъилинттар, гьер са вахтт ерхьи пай аркайи.

Садпеф: аккерхъайи къуттар джилил, сад гIаттивуна агъартайи сасра гъуланди джилилас. Гьегиштти джала завал акьасттегьен. Джалла аркьайи са гъилилди, мугъатти гъузун кканвейи агъату къутт фаттадархьас.

Iудпеф: са къутт агъартайи, Iу къутт гъуланди.

Хьибудпеф: са къутт агъатуна, сад гъуланди, хуппай хьибуд хъай.

Якьудпеф: са къутт агъартайи аме якьуд хъай гъуланди ге къутт агъату гъилилди. ГIуьфудпеттис агъафи галабур. РукIуна Iайи хIа дава суман уркI, агьиянди уркIун са багухъас гъил, хуппай аккехъуна гIуьфудара къуттар хабар гъуланди мудегIивас (соперник) нае къутт агъатуна нае гьика пуна.

Ге хьедегьен алучIа Iайи къуттун багулив ая къутт гъуянас. Кьасусттира ге багулив фая гъван тIушурай пуна гис бахъу хьас, хъара ке вархайи ая къутт галайиъ ихьас. Гьегиштти галайиъди гъа джалла къуттар сад сайиъра ачирхIасра адартай. Гьеме нубат ке читинф э ме дурахIалдиъ.

Ахирахъди завал акьуна архъа гъилин мехьиъ гIуьфудара къуттар, хуппай агъарта гебур джалла хъай завариъ. Гъадаркуна мехь гъурзар акьуна кканве гъиларин варттал яIаниъ ачI суман акьуна Iудара гъилар хъай атуна. Хьиму къутт вафас гъурзар акьас хьучин гьегидегьен сан ве вахъ.

Батитай Габибулаева