Са гагь хьуне Тпигъарин хIурин фермабуригьас рухади агъавереусаъ ругарин тепебур фадахъуна фи кардис ичи дагIай, е ккулинвелди файшуна фадахъас. Ге мукьуйиас агъаве — лиханде инсанар йицIу — цIеIу хулади, гисаъ ая булах багулив латра фай джелла джемеIетин малди хьед уха ус. Цулин вахттуни ади хIурин мал лиханди аяф джалла ге рекъуьас э дуз гIулисттегьен.

Са вахттуни рухар адина, мугIуйин багуди пара руг фадахъуна, хьин агъай ая руг, хьед завалхьуна, ккевес хъучадархьай мугIуйилас алавейхьуна ая. Гишттин кар хьугуна мугI файшубра мункин кар давуйив.

Мисал кIиркIуна адава ругун ахттилат. ГIулана амур акьуна гьаттивуне ругун тепебур. Гьаттиватари фи акьуне, файшуна ахъуне джалла руг латалан удигьди, чиппин хияларикес рухари файшуна рекъ  IирIе аркьатар. Ге курар аркьай аяттарис аргвай уйи батIарди руг пара аяф идеф. Ахир кIил латаланра ахъу ругун гьававелар сад хьуне, латалан кIен джилил дава аяф джилиъ э. Малди хьед ухуб тич акье, джалла латалан хьед ккевей кидивай рекъуьас ушуна учин кил балайикк кичихьас — гисаъ машин укъаяф э, нивабирилас, уазарилас мич. Машинара, инсанара малара лиханде латалан кьабахъ хъая исал рекъуьас.

Гьал хаб алучIуна дуз дакьучи гъузуна кканди ая ярхар адина ге рекъ гъасттегьен. ГучI вере чIалар э рекъ гъасттегьен пегуна дахьичира рекъерин  хIа гаф акьас даверегуна.

Дуз акьас кканди уйи, амма аттархьа кар аттархьугъилди. Iурдана меркквар хьехаб лиханас хьас идефхьасе ге рекъуьас.

Агьал рекъерин къирагъарихъ цалар аркьая, амма са митIринди аттивуна кканевусаъ, са митринди ачадивуна. фас миштти аркьафичин садра гъавурди адава. Фиштти гъавурди архьафра, са паратари IирIэ аркьагуна, хьин исал аркьая.

 

К. Мирзоев.