Гьер хIефттайиъ аркьа совещанил, мегелай Дагъусттандин хIатти, Правительствойис акьуне буюрмиш, сибирская язва агъа итталил алгъузанас. Ме кардихъас джуваб гъареттари пуне хIаттис, джалла аркьадегьенттар акьуная, гъам акьас багьана адава.

Сибирская язвайихъас, фиштти айчин, фи акьуна кканчин ме иттал инсанарис дахьас, пуне врио Дагъусттандин здравоохраненин министрди Раиса Шахсиновайина врио руководительди ТУ Роспотребнадзордин РД Лариса Пантинайи.

Агьал Махlачкалайиъ инфекционный больницайиъ ая хьибу инсан. Хьибударисра сибирская язва хьунаф суман и. Духттурар мебурихъ хъуттурфухаб ягIархьуне, Iуйис хьунаф, хьибудпеттис адаваф. Хекьданди инсандис хьуна айчин адавайчин ягIар акьас ве 10 ягъалас анализар йихаб. Мебурис ме иттал кедишинаф иттал кея малдикес Новокули агъа хIуриъ Новолакский райондиъ. Iу идеми, 8 октябрьдиъ, руккуна алдахъуная кIаре мал.

12 октябрьдиъ мебурикес сад адиная Новолакский ЦРБйиъ : мин гъилил хьуна уйи хьурхьурар. Агьал мебур Iудара ая больницайиь. Мебурис аркьая герекди ая руб-дарман. Ягъан ягъа, Роспотребнадзорди аркьая профилактический курар ме иттал аттархьу усариъ. Мункин э ме иттал хъара сасра инсанарисра киркьуна ахьуб, фас пучин ме итта малдин якк файшуна уйи Каспийскдиъдина Хасавюртиъди. Ме совещанил, ме итта малдин якк джалла завал акьуна угуне пуне.

Дагъусттандин хIатти, Владимир Васильева пуне, ме кардил Iайи алгъурзангъилди. Вахттуни маларис рубар йирхIагъилди. Фас пучин ме иттал ппар Iаф э.