Дагъусттандин ке хlа шагьурдиъ цlае шартlар алийиная ппара мартабабурин хуларин квартирабур эессибурилди рукьас акьубан рекъуьъ.

Хулар йис ахттигьар ахьасттава мебурин аваданвел, кьадмивел ахттармиш дакьуна.

Ме кардихъас хабар акьуне Махачкалайин градостроительствойинра архитектурайин управленин Telegram-каналиъ.

«2026-пе исалас Махачкалайин хlа мартабабурин хулар эксплуатацик кихьубан тlалабар цlуппе хьуная. Шагьурдин хlатти Джамбулат Салавова ке ппара фикир ирцlанде хулар акьубан читинвеларис.
Хуларин гьер са кар хъуьдуьхьуьна кканде гьалдин цlае нормативарихъай. lари хатlасузвелдин давай эессибурин къулайвелдинра»,

— агъа ме хабариъ.
Дахисуман Салавова пуна уй, кьайдайиъ адавай хулар гъадивуб ке хlа читинвел э пуна шагьурдин.

Ме кар бадалди муниципалитетин хlаттари къайгъу дивая. Мебурикес сад э хулар дузди кьабул акьуб бадалан къадагъабур.

«Авадан, гьалдин цlаевеларилди батlар акьу хlеятар, кьадми цалар, инсанарис рехlет бадалди иде-даваттихъас гъургъа группабур джалла арайил аркьа. Гьеме шартlар кlилди кlили файшуна кканде. Мебур хъадай объектар кьабул акьасттава»,

— агъа градостроительствойинра архитектурайин управлениъ.