Дагъусттандиъ мункинвел хьуная 90% дегьен хIурарин дазубур гIачихьас ЕГРН-дин санаригI. Правительствойин Председатель Магомед Рамазанова файшуне Операштабдин заседание. Мисал гъургъуне арайил аркьая РФ-дин «Национальная система простраственных данных» (НСПД) агъа программайихъас.
Ме мегIракайигI ишттарак акьуне СКФО-йин Росреестрдин хIатти Вячеслав Пескова.
Сифтта совещанил гъургъуне ЕГРН-ди хIел акьуна ккане джигагьарин лазим иде кIеджарихъас мебур экономикайин оборотин санаригI гIачихьубан суаларихъас. Ме кар арайил акьас тIалаб акьуне Российин хIатти Владимир Путина. Совещание башламиш акьугъилди Магомед Рамазанова кIвал акьуне Национальная система пространственных данных агъа цифровой плотформайихъас. Гьеме системайи мункинвел йисе завал акьас хье хIуькуматин манзиларин, джилар, дазубурин иде — даваф завал акьас са усал кIилди гIачихьагъилди цифровой платформайгI. Платформа арайил акьубан маслихIет э федеральный региональный цифровой платформайин интерфейс са усал верегълди. Российиъ хье регион хIисаб аркьа пилотный э пуна. Миштти идегуна ЕГРН-дин кар Дагъусттанди бегьем аркьая вахттунис. Ме программа арайил акьуба хьес мугьлат йисе ке лазим иде кьасттар бегьем акьас, цифровое отечественное геопространство кардик кихьас, муниципальныйна региональный СМИ-бурихъай ме сад акьас, ЕГРН-дин кар кьадми акьас, хъара кIилди хIуькуматин аваданвел алтухъ акьас. Мишттин кьасттар арайил хьас федеральныйна муниципалитетарин хIа гьулари сад суман хъай кар акьуна кканде. Кьасттна кьуват са усал хьугуна э хIуькуматиъ арайил аркьая программабурин курар бегьем верефра — пуне Магомед Рамазанова. Ме совещанил кIвал акьуне хье Республикайиъ ягIайин ягъас национальная система пронстранственных данных(НПДС) агъа платформайи ухIая дараджайхъас. Платформайи кьадмивелди кар акьуас мугьлат йисе хьес федерельный цифровой системайилди джиларин джигагьарин иде — даваф ягIар акьас. ЯгIайин ягъас ЕГНР-дин платформайигI гIачихьас мункинвел хьуная 763 муниципалитетин 744 дазуйин кьайдабур. Хъара1566 хIурин 1450 дазубур. Ме санар хIисабар э 2023-2025 исалди рукьуна. Гьеме 2026-пе исан майдин вазалахъди рукьуна Национальная система пространственных данных агъа системайилди хье региондиъ кардин бегьемвелар рукьуная 72% процентихъди. Дагъусттандиъ ме кардин суалар хIел аркьая кьадмивелилди вахттунис. Мишттин бегьемвеларилди мункинвел йисе хъучадивас инвесторар, хайирдилди ишламиш акьас джилар. Вахттуни арайил акьу карди мункинвел йисе джигагьар экономикайин оборотигI гIачихьас — пуне Магомед Рамазанова РД-йин Правительствойин заместительдин врио Заур Эминова ме совещанил кIвал акьуне ЕГРН-дина НСПД-йин кардин алакъа хьуна кканде пуна хъаттдартIай.
Наиба Гасукаева
