Дагъусттандин Правительствойиъ хьу заседанил гъургъуне кабинет министрарин хIаф Магомед Рамазанов. Мисал гъадивуне 2026-пе иса Дагъусттандиъ итоговый атестацин  суалар.

«Ке хIа вазифа э ме кар хьудегьен ачухъди мертти дузвелилди файшуб пуне Правительствойин хIатти Магомед Рамазанова. Муниципалитетарин  хIаттарис ме кар кIили файшуна ккане хIагьуларис буюрмиш акьуне герек иде буюрмишар. Экзаменар файшубан мегIракабур лазим идегъилди сад суман  хьас хIезур акьуна кканде ме кардис хардж вере  шейэр, экзаменар аркьа  мукьариъ хьуна кканде хъаттдархьай Iеквна интернет!», — пуне премьер министрди.

Магомед Рамазанова хъара тIалаб акьуне экзаменар ая шиниккварикес ме кар кIили файшуна ккане инсанарин эхIттият ухIубахъас. Мисал хьуна кканде медицинайин пешакурар, мегIлимар, фас пучин экзаменар ирцIан шиккварис мункин э чIирхIе хьуб миштти идегуна  фикир йина кканде ме кардисра. Хъара фикир йина кканде  антитерроризмайин алгъузубарис  эхIтиятвелдис гьер экзаменар вере вахттуни суман сайишттира махьтабариъ хурубар ая вегlдайира. ТIалаб э  муниципалитетарин хIаттарихъди, фикир йиб, аркьая итоговый государственный аттестаци кIили файшуб.  Лазим иде  алгъузуб, ГIилмин Министерствойин багухъас аттестацин мегIракабур лазим идегъилди алттвес.

Наиба Гасукаева