Алттушу хIефттайин киш ягъа Агъул райондиъ хье халкьарис хьуне Iуд лазим идее мегIракабур. Садпеф хьуне Дулдугъарин хIуриъ, чемпионат мини-футболдин. МегIрака арайил акьуне Закир Гусейновичан кьасттунилди, бахш акьуна хье миллатарин садвелдис хъара гъалибвелдин 81-ис хьубас. КIвал акьасе хье хIуькуматиъ ме ис бахш акьуная миллатарин садвелдис.
Ме мегIракайихъди завал хьуне агъул райондин хIурарин кавхабур, гьер хIурарин футбол дурхIаттар, мегIракайис майил акьуна адине гIулар завал хьуне бицIиф-хIаф джалла гIешкъ аттар. Чемпионатил гъалибвел гъушуттарис йине Закир Каидован ттуранин кубокар. Иджи дурхIуттарис хьуне кубокар, аметтар шад акьуне савкьтарилди. Лап ухшарди шадтти джаллабурин разивел хъай алттушуне ме мегIрака.
Мишттин мегIракабур арайил аркьай кканде хье джемеIетин арайиъ алчушуб-алттушуб хьас, хье кегъархьа джигьиларис сур сурис ягIар хьас хье бицIи халкьдин арайиъ садвел ухIас.
Хабди гьеме ягъа 16-пе майди Типпигъ арин хIурин мазгитаъ хьуне гIелимарин маджлис. Маджлис арайил акьуне Агъул райондин Духовенствойи. Ме мегIракайис хIуьлмат акьуна ишттарак акьуне Агъул райондин хIатти Закир Гусейновича, Агъул райондин советин имамарин председательди КурбанхIаджи Рамазанова, Дербент шагьурдин Магомед Ярагскийдин ттуранихъ хъая мазгитан имамдин заместитель Мусаев Мухаммада, РД-йин Муфтиятин ЮТО-йин полпред Ахмад Магомедова, хъара сасра шагьурарин, багулив фая районарин хье райондин хIурарин имамарира. Завал хьуне хIафбицIиф, джигьилар гIешкъ-кьастт аттар кIилди.
Дуньяйин гьавайихъ хъуттудурфуна маджлисдис майил акьас хьилаба адине Дахадаевский райондиас. Ме маджлисил нубатилди гьерттис йине чIалар. Имамар, гIелимар гъургъуне диндихъас, йине насихIетар, учин нубати гъургъуне Закир Гусейновичра: Чин гьемишан шад э мишттин маджлисарис, гIуларис, динагьлибурис, диндин гIилмин ягIарвел йис алучIаттарисра-пуне Агъул райондин хIатти.
Гьелбета маджлисар арайил акьубан мегIна э инсанарин джемеIтин халкьарин арайиъ динтIеIетна диндин гIилми ухьуб,кехархьа джигьилар диндин рекъуьуъ ихьуб, халкьарин арайиъ нухIубат-хIулмат,садвел бадалди.Хье СВОйи ая шиниккварин фикир ухIуьбадалди. Ахира маджлис ухшар акьуне хIезур акьуная ширин ашари батIар суфрайи.
Наиба Гасукаева
