Правительствойинра администрацин хIатти РД Владимир Иванова файшуне совещание видеоконференцсвязин республиккайин муниципалитетарин хIаттарихъай.

Иванова идже адава пуне газовый сетярин курар. Ми пуне акьуна аяф 31% э кIилди курарикес хъара ме кар гарданди ая Правительствойинра, шагьураринра районарин хIаттарин.

Владимир Иванова пуне гьалра заявкабур даина аме муниципалитетарис курар акьас ами аяттар, гебрис алийине вахтт мусас кIиркIуна кканчин.

Дагъусттандин Правительствойин вице-премьерди хъадакьуне, тIалаб аркьай гьучадинауйи кадастровый курарихъас. Фачийиная 156 млн пулун заявкабур, хьибуйилас вартт ппара хьуная. Экспертный заключение файшухаба герек иде курарин, сан акьуна гIачихьасе пул бюджетиди.

ХIисабикк ккедаваф суман атундава хIуькуматтин джиларин мукьарихъас хъара объекттарихъас недвижимый имуществойин.

«Чин гъургъари гьеме кардихъас са ис э, закуни аяф, налукар идеф, сайисра эхтияр адава 3-5 этажин хулар алиянас хъара  са кепек пулра фачдиянди хIуькуматтисра», — пуне администрацин хIатти.

Гъургъуне федеральный программайихъас «Комфортная среда» агъатихъас.

Хъара гъургъуне, Федеральный адресной информационный системайихъас (ФИАС), ги эхтияр эсе хIуькIуматтин реестрдис, ликIинае Iэдрисарилди адес скорынна хъара пожарныбур.

Иванова пуне муниципалитетарин хIаттарис чвас фачийнае буюрмиш акьас мушат аркьаяф айчи упай.

Ахиран суалихъас гъургъуне, фиштти алайчIвас ичин цифровой вещанилди.

Республиккайин хIезурвелдихъас хъадакьуне  информатизацин министирди связи  массовых коммуникаций РД Сергей Снегирева.

Сергей Снегирева алийине суал субсидибрихъас ппара шиникквар хъая малоимущий хизанарис гъушанас цифровой телевиденин оборудование.

Ахиран гафуни Иванова пуне министирарис ушуна кканде районариди, шагьурарин хIаттари чуппин кар вартт гъадивуна кканде, джемеIэтисра хабар аркьай  чуппин кардихъас.