Сергей Меликова «Герои нашего времени! » агъа конференцин кардигI ишттарак акьуне.
«Зас гьер ягъа военнослужащибурис майил ирцIан курарин, мебурин кьайдабурин рекъуьъ зун акьу кардин джуваб хаб ве, ппара ве откликар, хъара ппара гьучихьа гьертти учин тамашин фикирар. Магьа гьеме конференция, ке Iайи мин круглый столар, арайил акьунаттаре гьучихьа фикирарикес ке иджеттар гIаттивуна республикайин кьайдабурилди ахттармиш акьуна, хабди хьин мебур правительствойиъ арайил акьас», — пуне региондин хIатти.
СВО-йин ишттаракчибурисна мебурин багу-кIиларис майил йибан кар — ке хIа суал э хIуькуматинра джемеIетинра удигь гьаяф.
Ме кардихъас кIвал акьуне Сергей Меликова «Герои нашего времени!» агъа конференцил.
«Гьелбетта, са хIуьджатра адавай, ягIайин ягъа хье хIуькуматин удигь гьая ке хIа суал, эскерарис социальный багухъас ирцIан майил э. Зе фикирдилди ме кар бадалди хьин ппара загьмат дива. Республикайиъ арайил акьуна кIили гьая къана ерид давамлувелдин кьайдабур СВО-йин ишттаракчибусна мебурин хизанарис ирцIан кумакинттар. Хьин мебур хъара алтухъ акьасе. Гьеме кумакихъ мухIтадж иде инсанарис, удигь кIил акьуна эскерарин хизанарис, хIа яшдин инсанарис батIарди ахьаркьай ягIар акьуна кканде. Ме кумакра фиштти хьучира рукьасе» — пуне Сергей Меликова.
Фиштти майил ирцIанде СВО-йин ишттаракчибурис Дагъусттандиъ?
Ме майилдин кьайдабури мугьлатна ахттигьар ирцIанде гьавая ссузариъ учIас, нубатихъ дагьузуна садикариди шиникквар гьикас, курарил гъузанас, хъара ЖКХ-йин пулар ирцIангуна льготар хьас. Ягъдира вахтт гIартай СВО-йин зонайиди гуманитарный кумакар гьика, специальная техникабур гьика, улакьар, хъара лазим иде джуре задара рекъуьл аркьа.
Республикайиъ кар аркьа гьер джурейин комиссибури, фондари, СВО-йин ишттаракчибурисна мебурин хизанарис майил ирцIан джемеIетин организацибурира: — филиал «Защитники отечества», — социальный фонд «Все вместе», — » Память гор» хъара джуреттарира. 
Арайил акьуная лазим иде кьайдабурин база, гьер багулихъас кумакна майил йис спецоперацин ишттаракчибурисна мебурин хизанарис. Гьер са хизандихъ хъитIуная социальный координатор. Мебури джаллабури гъуршанде чиппис рукьа гьер багварин кумакар: медицинайин, психологарин, гIелимарин, джемеIетин, хъара юристаринра. Региондин бюджетин пуларилди ирцIанде мебурис единовременный выплатабур, мебурин кьадар э100 агъзу, 500 агъзур манат.
«Каспий» агъа батальондигI чиппин ахттигьар фай гIачучIу эскерарис — 300 агъзур манат ирцIанде. 2025-пе исан 20-пе октябрьдилас икьрар хъитIу «Резервистар» агъаттарис ирцIан единовременная выплатайин кьадар э 1,5миллион манат. СВО-йин ишттаракчибурин хизанарис кумак аркьаттарин джалгабуригI хIуьлакди гIачихьуная депутатарин корпусра. РД-йин Халкьдин Собраниъ кьасусттира арайил акьуная комитет. Ме комитети зурбадалди, къанунилди арайил аркьа ме кумак лазимди ая ватанагьлибурис ирцIан майилдин аваданвел.
Арайил аркьа республикайин «Доблесть гор» агъа программайин аваданвел, ме кардин кьастт э — бехIсарилди СВО-йин ишттаракчибурин арайиъ дагъусттандин хIа гьуларин пешакурарин резервдигIди гIаттивуна хабди республикайин курарил гъурзар акьуб. «Чин час багьа иде курар афухIа», — пуне республикайин хIатти» Герои нашего времени!» агъа конференцил. Мин ахттилатарилди, ягlа боевой задачабур кlили гъай передовойдиъ ая СВО-йин ишттаракчибур, хье гlедатар ухlаяттар э.
«Ватан ухlуб — ме lари окопариъ ахьуб, е давайчин гьужумдин кlватlаларигl гlахьуб дава. Ватан ухlуб — ме мус хьучира, нае вегlдайи кканчира ухlас хlезурди ахьубра э», — ахъакьуне Сергей Меликова. Мебур кидавайра ме кIвал акьуне фидегьен хIа кар ичин, ватан ухIубан рекъуьъ, кегъархьая несилар ватанперасвелдин тарбия фай вардиш акьуб.
«Хьеал кIилдибурил ппара джувабдарвел алдея, хье ватандин давамвелдихъас, хье хабдин несиларихъас. Ватандин хабдин Iуьмур таджриба, ягIарвел, гъавурдиъ ахьуб фай арайил акьуна кканде. Ме шартIар Iари гьужумариъ завал акьуне агъай гьуркIасттава, а, гьер джурейин обшественный организацибуригl кар аркьайра завал акьуна кканде», — пуне ахирахъди республикайин хlатти Сергей Меликова.
Салихат Малагусейнова
