Са багаймингуна Iу Iуьссе джакьвалас агуне чиппифас мигелай мугуйиас алттвес давереф.

Ягъ батIар алайкуф ичира мебурин уларил хараф алгъадина уй. Мебурис Iударисра кум ариджиф суман фера аргвай андавуй. Мебурик Iуьссе хьуна хIел киндавуй. МурцIар кIуранин рукъу кулар суман аларгIай уй, джанарихъ кьуватра хъандавуй.

Къарийина къуджайи икьрар акьуне сара мугуйиас найичра вес андава пуна чаб гьемисаъ луькIегъилди, ме вахттра кьана дакьуна адесе пуне. Джакьвар гъалатI хьуне - мебурилди шиникквар адине. Удигьай ачадине са кIиркI. Мис агуне учин Iуьссе дадасна бабас садтти читинди аяф, ушуна хабар йине джуре чияр чуппарис.

Джалла джигьилар дадан хулаъ завал хьу вегIдайи сайи пуне:
- Хье дадана баба хьес ке хIа
савкьат йине – Iуьмур. Мебури хьин ухIуна хIа акьуне, чиппин джанна Iуьмура гIегвал дакьуна. ЯгIа мебур Iудара иттай сукъур хьу вахттуни хье бурдж э мебурихъ ахъаджихIуб.

Ме чIалар унихьуф джаллабур сад хьуна хъучучIуне кар акьас. Сури ибгIа муг акьуне, сур Iелеф гъас ушуне, сура даради ушуне. Курар ккиркIухаб мебури чиппин хиларилди цIуппе акьуне дадна баб мебурис ибгIа хьас, бицIигуна баба чаб суман. Хабди йина Iелефна хьедра аларгIу мурцIара аттивуна мебур батIар акьуне. Мегунас даради ушуттара адине улариди Iекв гъаре IуькIер фай.
Амма мебур ппара яваштти сагъ вей уй, ппара кьарар ккий ахъутIуне чаркквар, сайи сад духIуба аркьай, дадна баб садтти адартай.

 Магьа хъучадине ме шад ягъ, дадана баба улар дахъуна хъуттурфуне, мебурис чиппин джалла чаркквар ягIархьуне. Гьемиштти дадана бабан джафайин кьадри ягIа чаркквари сагъ акьуне чиппин дадна баб.

 Салихат Малагусейнова