Мебурис СВО-йин ветеранарис йине сертификатарна фикир ухIубан ишанвелди сеIетар Республикайин хIатти врио Федор Щукина.

«Доблесть гор» агъа проектилди 35 военнослужащибурис хIа хурубарин кlеджар йине. Са исна 502 академический сеIетин вахтт йине мебур хIезур акьас хIуькуматин муниципальный управленин сферабурис.

Мебурихъай кар акьуне федеральный экспертари, таджриба хъая наставникари, хъара идарабуриъ кар аркьая хIа гьулари. Мебурис йиная хурубарин лазимвел ая РД-йин Правительствойиъ, Минимуществойиъ,Минприродайиъ, Минтрудиъ, Минпромторгдиъ хъара республикайин шагьурариъ, районариъ, хIурариъ.

Чвас джаллабурис зас пас ккандея чугъсаул, чун ватан ухIубан зурбавелдин гьунар  агвар акьубан. Гьемисаъ адина лапп хIа хIуьлматин чIалар пас кканде ягIайин ягъас душмандин удигь гъузуна ватан ухIая Дагъусттандин джигьиларис. Ме кар хIа дамакъ э республикайис суман кIилди Россйисра,

- пуне Федор Щукина ме программайин ишттаракчибурис.

Мисаъ Федор Щукина кIвал акьуне Рф-дин субъектарикес Дагъусттан садпе мукь э мишттин региональный программа арайил акьуф СВО-йин ветеранарис.

«Доблесть героев» агъа  программайис хъуьдуьхьуь федеральный проект ая «Время героев» агъаф.

Наиба Гасукаева