Дагъусттандин Правительствойин Председатель Магомед Рамазанов гьучархьуне федеральный казначествойин комиссихъай. Мебур адебан кьастт э ахттармиш акьуб 2025-пе исан республикайин бюджетин отчет. Ме гьучархьубаригI ишттарак акьуне Федеральный казначействойин Межрегиональный контрольно-ревизионный управленин хIаттин заместительди Игорь Бурнинова, ме комиссин кIилиъ гъузунафра гьаме ий. Магомед Рамазанова чугъсагъул пуне Федеральный казначействойиас ади пешакурарис, ахттармиш акьубан Дагъусттандин бюджетин хIел, хъара бюджетин пул дузвелилди ишламиш акьубал алгъузубанра. « Зе буюрмиш э республикайин исполнительный властин органарин хIаттарис вахттуни комиссийи фаша пу кIеджар агвар аркьагъилди, хъара ахттармиш аркьа арайи чун чиппира кумак аркьагъилди. Зе муш кея чун хъай муфеIет кей кар акьасе пуна», - буюрмиш акьуне Правительствойин Председательди. Учин багухъасра Игорь Бурнинова хIезурди ая пуне хъай кар акьас, мисаъ завал хьуттарихъай таниш акьуне комиссигI гIая инсанара, хабди ахъакьуне фиттихъас хъучучIас ичин ахттармиш акьубан мегIракабур.

Батитай Габибулаева