Дагъусттандин заводарин кар са усал гъузуна адава. Республикайин экономикайис ме кар ппара хIа э.

22-пе сетябрьди Каспийск шагьурдиъ строй материаларин заводарин комплекс дахъухабд ООО   «Ровна» Дагъусттандин сур промышленный идарабуриди ушуне. Ахттармиш акьуне производсттвенный площадкабурил кар фиштти арайил аркьайчин, хIаттарихъай гъургъунел хIел акьуна ккане суаларихъас, хабдин аваданвелдин фикирарихъас.

Хьес лап лазим э республикайиъ цIае производствобур хьуб, аяттарин кар алтухъ хьуна инсанарис кар аркьа мукьар ппара хьуб, хъара хье гъилин шейэра ппара адихьуб. Ке идже чишнабурикес сад э хIуькуматин майил гъушу ООО "Экотар". Мебури арайил аркьа гофрокартонна гофротарабур. Алттушу иса арайил акьуна уй ме заводи 100 миллион манатин натиджа. Каспийский стеклозаводи чиппин кара батIарди арайил аркьа. Iари са 2026-пе иса мебури йине 10 миллион налогар, курар йине. Мишттин промышленный инфраструктура ачмиш акьуб Дагъусттандис ппара иджвелин кар э. Ме предприяти дахъубан мегIракайихъди ягIарвелар акьас ушуне РД-йин Правительствойин Председатель Магомед Рамазанов. Магомед Рамазанова учин нубати майилдин чIалар пуне региондиъ мишттин проект арайил акьубас. Промышленный инфраструктура гъадивуб лазим иде кар э хье республикайис. Ме мукь ачмиш акьуб бадала цIуппе хьасе Дагъусттандин промышленый базабур, мумкинвел э ариш варишдис, хъара бюджетис, налогарис –пуне Магомед Рамазанова. ХIисабарилди ме предприятис ачату пулун кьайда  хьуная 1,7 млрд манатихъди рукьуна. ЯгIайин ягъас ме предприятиъ арайил акьуная 125 дегьен кардин мукьар, фикирдиъ ая хъара алтухъ акьас 200 рукьуна. Гьалдис ме  предприяти кар аркьая хIа  кьуватилди. Са ягъан арайиъ  мисаъ садихъди хIел аркьа 200 тондегьен керадж. Хъара са исан арайиъ  мисаъ аркьа строительный смесар 80 агъзур тонндегьен 360 агъзур кубический метр газоблокар. Гьеме «Ровна» агъа компанин эесси Руслан Джамалудинова чугъсагъулдин, хайирдин чIалар пуне ме проект арайил акьас кумак акьуттарис. Руслан Джамалудинова-пуне зе эхIттиб хъая ме проект арайил хьуб хайирдин кар э час учредителарис суман кIилди хье республикайисра. Ме проектин инвестиционный дараджа вартт хьас мункинвел хьуне инвестордис  кумакин, республикайин багухъас  суман хъара хIуькуматин багухъасра. Ме предприятин цIае производствойи мункинвел йисе республикайин застройщикарис хъучатас  строительствойис лазим  вере иде-дава кьадми шейэр. Гьелбетта мишттин хайирдин курари, проектари мункинвел йисе арайил  акьас хIа джигагьар, хIа джигагьар махьтабар,дет садар, медицинайин идарабур. Наиба Гасукаева