Ме азар итталигьас вакцинация акьуб — садпе эхIттият э. Джурейи хаб алгъазийина ая ме
иттал инсанарил. Миштти идехIела гьалра
ппара тIалаб аркьая инсанарикес вакцинация
акьас, ме иттал хаб йирхIас пуна.
Ме кардихъас зун суал алихьуне макттабиъ кар аркьая мегIелимдис Фатимат Алиевнайис, фи фикир фай йирхIуф ичин учи ме руб.
— Фатимат Алиевна, ассаламу алейкум! Агьал ая коронавирус агъа итталин рубухъас фиш-
ттин фикирар ая ве?
— Ваалейкум ассалам! Зас ме итталин рубухъас хабар акьуне че мактабин хIатти, вакцина акьучин идже э пуна. ЦIайи иджи фачартай давуйи зун ме иттал. Амма вей-вей
ппара унихьудегьен ме итталихъас, фикир акьас алчархьа, фиштти акьучи иджи э гьан пуна.
Хабди духттирарилра йиркIв алийигуна, гъавурдиъ архьуне зун ме иттал зарафат даваф. ИдехIела са захъас фикир акьуна давуйи зун ме руб йирхIас рази хьеф. Зе кардира бурджлу акьуне зун ме вакцинация акьубас. Фас пичин, зун хIуькуматин кардил але инсан э, бицIи шиниккварихъай кар аркьафра э, мегIелимарихъайра, хъара зе хулаъ ая хизанара балайикк кичадархьурай пуна. Зас мебур джалла багьавелди зун рази хьуне ме руб йирхIас.

Батитай Габибулаева