Язанис вардиш аркьа вец

АцIуна ишаратарис улар атафи авал вахттари ярд гIаттивагуна вец акьас. ЛучIунас хуру урч иджи хIисаб аркьафи авала инсанари. ЧIар ирхе хьудегьен иджи э. тIутIар, муржар гьадикас ирхе ибрар кеяф, ирхе рудж хъаяф иджи верефе. Улар атафе лекарин ирхевелдис. Лекар джикъе хьудегьен идже верефе, дуруц гьачадивас рехIет хьас.

Ярд вардиш акьас рехIет хьас гин багулиф хъиртанфе гилас гуджлу вец, гучIай ппара даваттар дакьас. Ппара тунт ярд вардиш акьас небджарари акьуна аверефе хьибу хIавани кIур ая урккагъ. Iудар къваларихъ ккиртIанде вардиш аркьуная вецар, яIаниъ — ярд.

Идже вец хьас ярдунакес са ягъа са багулихъ, джуре ягъа — сасра багулихъ хъиртIанфе. Iудар багварихъди алдаркай вардиш аркьай. Вардиш аркьай амиди Iерабара хъихьай, язаникк вес рехIет и Iерабайикк вес далара. Ппара джафа дивуне авала инсанари, гьалдин инсанарис ппара рехIетар хьуна ая гишттин курарис.

Расим Гучудадов

Добавить комментарий

Ваш адрес email не будет опубликован. Обязательные поля помечены *