Уьттарар

Уьттарар ппара авалан некьи хIисаб аркьайдава. Бинайин мукь мебурин хIисаб аркьа сасра хIуькуматар. Амма ишламиш акьас хъучучIуне Iуьрусатихъ. Ке удигьай ишламиш аркьайи цIабар. Хабди инсанарис ягIархьеф цIабар суман некьи учра муфеIэт кеяф.

Авала дарариас завал аркьай хьуне, хуппай муфеIэт ягIархьеф ме некьин кIур узай хьуне гьертти чиппин багъариъ, батIарвелдис узай хьуная инсанари рехIет акьас вере мукьариъ, мугIарин, нецIварин багулив. НецIун багулив узай хьуне, фас пичина инсанари удигьай ме кIур хIисаб аркьайи ппара хьед кканеф, хъара уйинар кеяф. АгъучIа ме кIур шагьурариъ суман хIурариъра.

Ая хьибу рангунин уьттарар, кIареттар, иреттар, хъара джагварттар. Ппара муфеIэт кея некьи уьттарар, ишламиш аркьа хIапай хье джандис сагъвел хьас, иттар дахьас, гриппар дахьас. Хъара мебур ппара дуьрхье йиркIв иттаттарис, табар иттаттарис, мавун чаркквар иттаттарис.

Амма къайда ягIай кканде, фас пичина ая инсандис дадуьрхье багвар. Гипертоникарис ппара дуьрхейдава, фас пичина иъ рутас аркьа. Уьттарар чаб суман цIабар, тIирIар ишламиш аркьа дармандис. Хъучархьа ме емиш июльдин вазала. Гьер хулагIан алучIа мебурикес фичинара акьас Iурдис. Джаллабурис хьес ягIа авала гьал заманайи суман ккане вахттуни емиш аяфдавуй.

Гиштти идегуна алучIа емишикес кампут акьас, кканчин варени акьас, хъара агьал ягIар хьуная инсанарис ругъас акьас. Ругъас акьухабра ме емишик кея витаминар гуландава. Ккане мукьуйихъди ишламиш акьас ве. Сагъвелар хьурай джаллабурис.

Наиба Гасукаева

Добавить комментарий

Ваш адрес email не будет опубликован. Обязательные поля помечены *