26 июль — Дагъусттандин Конституцин Ягъ э. Ге ягъа Дагъусттандин хIатти Сергей Меликова джалла Дагъусттандин халкьдис хIа ягъ мубарак акьуне, амма коронавирус агъа итталихъас Iайи ирхе акьундава.

Ге маджлисил Сергей Меликова ацIун наградабур йине.
20 инсандис, Iайи иджи курар акьуттарис, гIилмуйиъ, медицинайиъ, культурайиъ, спортиъ наградабур йине. 14 инсандис хIуькуматин хъара Расул Гамзатован премибур йине.
Ппара хIа награда ге ягъа йине хье Агъул дишагьлис Такитаб Алаудиновнайисра.

Такибат Алаудиновна хуфе 1953 иса Типпигъарин хIуриъ,
Агъул райондиъ. Кар акьас хъучучIуфе 1975 исалас, ке
удигьай бицIиттарин республиканский клинический больницайиъ. 1981 иса гикес хьуне референт отдела Управления делами Совета Министров ДАССР.

ГIаттивухаб джемеIетин депутатвелди 1990 иса, гикес хьуне
ДАССРдин Верховный Советин Комиссин председатель. 1991 иса гIативуне Такибат Алаудиновна заместительвелди Председательдин Верховный Советин ДАССР, 1994 иса – хьуне чилан Дагъусттандин Государственный Советин, Дагъусттандин Государственный Советин советник.

1996 иса ги ккиркIуне Московский государственный институт
международных отношений. 1996, 1998, 2002 исари гIаттивунафе заместительвелди Дагъусттандин
Государственный Советин Председательдин заместительвелди. 2006 иса гикес хьуне Государственный секретарь РД.

Такибат Алаудиновна э кандидат медицинских
наук. Гис йиная орден Почета, Почетная грамота
РД, медаль «За сохранение мира в Дагестане», орден «За заслуги перед Республикой Дагестан».
Такибат Алаудиновна, вас фацанас сагъвел
хIурай ве ме нубатин награда! ЙиркIуран рехIетвел,
джандин сагъвел кам дахьурай ве. Хъара ппара кьуват хьурай ве джандихъ, иджи кар акьас! Кам дакьурай вун Агъуларихъас!