Стихи

БАБАН ХИЛАР

 

Фи упушра дуьньяди,

Вун суманф уч хьасттава.

Хье бабарин хиларис,

РахIетвел агундава.

 

Агъуларин дишегьли,

Валас батIарф адава

Ме гьава хье сувари

Вун дакьу кар андава

 

Хиларис зегьмат ппара

Бабарин хье агуна

Ме дуьньяди вун сара

Фикьушра джикIесттава

 

Фи батIарф э агъул руш

Хилиас къизил вереф

Чугъ сагъул вас, агъул руш

Зе ватанди вун аеф

Бабан хилари зегьмат

Вахъас ппара дивуна

Хула хьасе баракат

Бабан чIалар фацуна.

 

    РУШАРИС

 

БатIар рушар бабарин

Зурба курар акьибай

Хьасе хье юркIвар сакин

Бабан чIалар фацибай

 

Зун упасе квес чIалар

ЮркIуралас деветтар

Зун ликIенасе кIиджар

Me дуьньяди ширинттар

 

Руш хулан вун баракат

Ке батIарди агурай

Кардис акьай хIаракат

Гьамишанди вун хьурай

Me хье гьава суварис

Тукарин ранг адирай

Me хье мурад сусарис

Бахттлу ягъар агурай

 

Агъул ппара рушар а,

Тукуласра батIарттар

Гьар са хIури рушар а,

Агушин юркI ацIаттар

 

Зурба суман аеттар

Зе ватандин инсанар

Гьава суварин тукар

Квес ухшари че рушар.          

Исрафилов Рамазан Салимханович

Добавить комментарий

Ваш e-mail не будет опубликован. Обязательные поля помечены *