ХъучучIуная ЕГЭ йин экзаменар, ге хьасе 30-пе июньдистегьен. Гьалдис йиная экзаменар географина, информатика, математика. Русский языкдин ЕГЭ хьас 9-пе июньди. ЕГЭйис хIезурвеларин суалар Дагъустандиъ ахтармиш акьуне Махачкалайиъ совещанил. ЕГЭйи гIешкь ая инсанар исалас иса чIукь вея, экзамен ес читин веяхIела. Ахиран якьу иса агъзурдегьен 9-пе классин шинуькквари гIаттива сред.спец.образование. Авалди 9-пе классин шиникквари Iу итоговый экзамен ирцIанчина, ппай ме иса якьуд йина ккандея: Iуд обязательныбур, Iуд кканеттар гIаттивуна.
Ме иса ЕГЭбри ацIуна джуревелар ая сасра исарихъ хъутурфун. Те иса русскийдиасна математикайиас экзамен ес дахье шиниккварис, ахтигьар йина уйи гебур Iудпегелай йис сентябрьдина февральди.
Гьалдихьас хаб экзаменанар йис хьасе ерхьи ягъан арайи. Дагъустандиъ акьуная якьу кьана гIифу экзаменар ирцIан мукь. Ахьасе гисаъ металоискателар, телифанаринра интернетарин связь хъадихьа задар. Джандиъ сагъвел адава шиниккварис акьуная хъара Iу мукь сара экзаменар йис. Ме исан экзамендин иджвел хьуная шиникквар экзаменар йис тич-мич сае мактабариди ушуб чукь хьебалди.
Ме иса Агъул районди кIилди 77 мактаб кIирккваттар хьуне.
Экзаменнар ирцIан шиниккварис ппара гIезаб ве, хъара ппара гIезаб ирцIанде дадар бабарис. БатIар балар хьу шиниккварифас чиппис канне вусариди хурас учlас вея. Дуз хьурай чиппин экзманарин курар.
А. Магомедова