Ке ппара шинуьккарис ккане вахт э гIуьл. ГIуьл хъучучIа 1-пе июнди шинуьккарин хIаягъ идее ягъа.
Ме хIа ягъахъ хъая са идже хIикат. 1949-пе иса Парижди хьуне хумбарин конгресс, гисаъ ая представительницабри пуне. Шабай хьин гье шинуьккарин lуьмур идже верегъилди акьас. Гьин дакьучи, cара гьинара акьастава. Гьетегунахъасхаб учреждат акьуне джалла шинуьккарин хIа ягъ э пуна, сад пегелай хIа ягъ акьуне 1-пе июньди 1950-пе иса, гьал гьер иса аркьай аве.
Шинуьккарин хIа ягъ аркьай аве джалла мактабари, дет. садари. Шинуьккарин хIа ягъ акьуне Агъуларин райондиъ Тпигъарин хIуриъ КДЦ.
Клуб са батIарди оформить акьуна уйи. Кейхьуна шарикар, ишкилар, хьер джуре бисердикес акьуна ая тукар, кIурар адина ая шинуьккар са шатти уйи. Концертная программа дахъуне Мусаева Светланайи. Хуппай Мусаева С. йине чIал главайин замдис Беневша Абдулсаламовнайис. Джаллабирис мубарак акьуне шинуьккарин хIа ягъ. Шинуьккар хье багайин ягъ э. Джалла бабарин, дадарин але вазифа э шинуьккарис идже вардиш акьуб. Гьер хIурариас адинаттари акьуне са батIар мегIбур, лихъунар, пьесабур. Хъара гьемиштти шатти ушурай хье шинуьккарин Iуьмур.
