ГIилмуйин ягъ

ГIилмуйин ягъ гIедет хьуна джалла Российн хIа ягъ хьуна ая. Сад пе классиди вереттар гучI гьархьуфсуман, кIакIар хьуфсуман аве, бабар аве хIа элар гьартай, гIалашувар, адеттар аве мус хъучучIасегьен агъаф суман хIа ягъ.

Ме арабур дагуна аеф аягъилди пас вереттар дава, гебурин шадвел, бицIи шиниккварин гьава, хIа кар аркьай аяфсуман чиппи.

Хье хIуькуматин мактабариъ 1пе сентябрдиъ аркьа линейкабур, джалла аве батIар кунар аликIуна, ацIунттарив фаве тукарин гъабар. БицIи гъиларив хъара батIарди аргва гебур. ХIекьди ме хIа ягъан ухшарвел э садпегелай мактабиди вес адина ая шиникквар. ХIа элара гьартай, кими киндай унар аркьай хурай аве гебури стихибур, чаб хIа хьуна аяттар суман.

Тпигъарин хIурин мактабиъ меягъа ада рангар адавуйи, тукар кидавай хIа ухшарвел и бицIи шиникквар. Джаллабур уйи гIинчIар аркьай, шатти чин мактабиккди вея агъай.  Ме шадвелар кедишина хьуне джала мич адина ая гIалашуварис, дадар- бабарис: хье райондин хIаф Исмаилов Ю.Г., представитель главы РД В.Б.Фейзулаев, НС депутат Агъуларин райондиас Гусаев Т.Б.

Дахъуна линейка воспитательный багун завуча Габибуллаева М.А. Ме хIа ягъ мубарак хьурай пуна хъара ацIуна батIар чIалар пуна фачийине ги чIал Тпигъарин мактабин директордис. Тира учин багухъас хIа ягъ мубарак акьуна чIал ицIанди хьуне гIалашуварис. Джалла адина ая гIалашувари батIар чIалар пуне мактабиди адина ая шиниккварис, ме хурубан цIе исахъас, шиниккварихъас. Хъара мисаь кIвал акьуне ме 1 пе сентябр цIе исан хурубан садпе ягъ давай лозунгар  хъай чин терроризмайисра, экстремизмайисра ваъ агъа ягъ идеф. ЧирхIе курар даверегъилди, даркьагъилди хьин ая хIуриъ, райондиъ, хьукуматиъ, дуяйиъ.

ГIалашувар гъургъухаб чал йине мактабикк ккея шиниккварис. ХIа классариъ аяттарии Российин гимн ахъихьуна аттфайдине хбе хIукуматин флаг, акьуне лехъунар, тамашабур, хуруне стихибур. Хабди чIал йине мактабиккди садпегелай аде шиниккварис. Гебурира акьуне лехъунара, хуруне стихибур.

Ме хIа ягъан ахирахъди джала садпе классиди аде шиниквари фатуне завариди чиппив фая джагвар шарар. Джалла шатти ушуне сур мактабиди, сур чиппин курарилди.

 

Добавить комментарий

Ваш e-mail не будет опубликован. Обязательные поля помечены *