Типпигъарин хIурин мактабиъ ппара исари кар аркьай ая, гьал шиниккварис агъул чIалан дарсар киянди ая мегIелимди Тамам Рамазановнайи тIалаб аркьай ая агъуларис переписьдигI гьертти учин ттур гIачихьагъилди.

«Хье шиникварис ягIай андава хье дадар — бабарин чIал. БицIи шиниккваракегьей  гъургъай аяф Iуьрус чIалалди э. Адава хье чIалан китабар. ЛикIина Салминат Нурадиновнайи гьикуна садпе, Iудпе, хьибудпе классарин китабар хаб адиндава Москвайиас. Хьехъ хъадава спонсорар, китабар ликIенас кумак аркьаттар. Миштти илгучин, хье чIал кьацIраминдай  хум весе шиниккварис са Iу исарилас. Грамматика ягIар аркьайдала, бицIи классариъ шиникварис гъургъас ягIар аркьай кканде хье чIалалди. Зас кканде хье шиникварис ягIар акьас агъул чIал, зас саваб хьас. Нандиъ айчира, гьерттин йиркIураъ ай кканде учин  чIал хум гьадатас», — агъа Тамам Исрафиловнайи.

«ЧIал гулучин халкьра гуланде агъа. Гьер са инсанди учи фикир акьуна кканде, учин халкь дагуланас. Шагьурариъди айчIуна ушунаттарин шиниквар нагагьра гъургъай андава агъул чIалалди. Фас пучин, рехIетти кичихьуна шиниквдис телефонра, элдетмиш акьуна гера, аркьай учин курара эрква бабар. Телефондиас, компьютердиас, телевизордиас шиниквдис  кьацIра хье чIал ягIардахьуна илгванде. Хье чIалан мультфильмабурдехIера аркьай кканде,  бицIи шиниккварис агвар акьас, чIал хум давес.

Хье милат ккеттдархьас, квалас гьатун кандава хе чIал. Шаб хьин ухIас хье миллат. Хье районра хIаф дава. Ме ккеттархьухаб, инсанара айчIуна ушуна чулариъди, хье чIалалди гъургъа инсанра амилгванасттава. Ге карди са вахттунилас хье миллат гIачатасе сасра миллатаригI, шимигI хьед суман. Шаб хьин са вазалан арайиъ вей ая  ме ягъари джемеIетин переписьдигI гIачучIуна хьин фидегьен айчина агвар акьас, хье райондисра, агъул чIала гъургъай ая инсанар дуламиш вея мукьуйисра  суман кумак акьуна, багайин ягъа хье валадари ламусар аладайхьас дадан чIал ухIундава пуна, дуздин багухъди тIушуна хье хIисаб чIукьди агвар дакьас», — пуне Тамам Исрафиловнайи.

Баб кканеттис, чIалра кканде  агъа мисала ая.