Джаллабурис ягIа агьал ая короновирусдинра, гьалдис ягъди уйи гриппинра гьавайин джуребур са суманди идеф. Сифтта, грипп хье инсандис ягIай авейдава, фи ичин учис  хьунаф, коронавирус ичин хъара сайишттин грипп ичин. Грипп инсандис кедиши арайи са – Iу ягъан арайи агъучIа. Коронавирусдин иттал агъучIа цIеекьу ягъалас. Амма гьал хъара аттархьуная короновирусдин сасра джуре «омикрон» агъаф. Гьалдис уйи джурейихъ хъуттурфуна, «омикрон» сачIукь рехIетти алттве. Айчира инсанар мугъатилди тIурша ме итталарихъди, фас пичин ягIайин ягъас коронавирус кидиркьу инсан, хизан андава.

ДехIела э хIуькуматарин хIаттарира, духIттурари алийинаф инсанарис гьер джурейин къадагъабур. Алтухъ инсанар ппара аусариди завал даверегъилди, цIакIинаригIди-гамачIарилди, маскабур аликIубар, гъилар мертт акьуб дизенфицирующий шейэрилди.

Сифтта ме иттал аттархье арайи, эхIттият аркьайи 60 исалас вартт идеттари, хабди башламиш акьуне джигьилар иттарвей. Гьал ппара иттарвея бицIиттара. Гьер ешунис хIуькумати адихьуная ме итталис вакцина. Джандин сагъвелдихъ хъуттурфуна, духIттурарин ахттигьара фай йирхIа ме руб.

Райондиъ ая инсанари ягIайин ягъас хIа пайи йирхIуная. Фас пичин, агьал джаллабур гъавурдиъ ая ме итталис зарафатар дагIаф.

Луиза Гусукаева