Фидегьен эхIттиятар акьучира, вирус хаб чукIайдава. Са ягъа яваш хьуна агучира, Iудпе ягъас хаб къате ве. Сагъилдира вакцина акьубан кардихъас джемеIетин чIал сад вейдава. Сурис гучIа мигьас, сури фачартайдава, сур хъугъайдава. Амма кардин укIил миштти э, хьес аргва ме иттали фидегьен инсанарин Iуьмурар фаттивай айчин. Фидегьен инсанарин сагъвелдис зарар йина айчин.
Ме иттал гулубан дармане – вакцина акьуб. Ая фикир хъая инсанар, чабра чиппин багу кIилара ухIас дахи димари прививкабур акьуттар. Мебурин джалгабур гьер ягъа алтухъ вея. Мебурикес сад э Тпигъарин мактабиъ кар аркьай ая, хье чIалан дарсарин мегIелим, Кубутаева Тамам Закировнара.
Ми пуне: «Зе сагъвел дахьучира бушттинф э, кар ягъди халкьдин арайиъ ахьуна кканеф э, дехIела зас гучI хьуне хъара ме вирусра гъамаз хьас зе джандил, хабди закес кедишас мактабиъ ая шиниккварис. Загьасра зе шиниккваригьас, багу кIиларигьас вирус варха хьурай пуна зун акьуне прививка. Зе фикирдиъ миштти ая: нагагь хьин джаллабури прививкабур акьучин, ме итталихъай хье дегIви ккиркIвасе».

Салихат Малагусейнова