Ме 2021 иса кIилин истти хIаягъар акьасе Дагъусттандиъ 100 ис вей аяхIела Дагестанская Автономная Советская Социалистическая Республика акьуна. Аркьай аяф ме шадвелар Дагъусттандин хIаттин Сергей Меликован Указилди э. Гьер районариъ, шагьурариъ, министерствобуриъ хъара джуре идарабуриъ ме иса маджлисар кам хьасттава хIаягъас гьер курар бегьем аркьай. Ме вахтт рехIетти алттушундава Дагъусттандин, амма хьес ая фи фикир аркьайчина, хье валадарисра ицIангъилди.

20 январьдиъ 1921 иса джалла Российин Центральный Исполнительный Комитети кьабул акьуне Декрет ДАССР аркьаф. Арайил акьу карди ппара хIа духIубабур файдине Дагъусттандис, халкьди гIаттивуне садвел Российихъай.

АцIуна тамашабур хьасе бицIиттарисра, хIаттарисра, Дагъусттандихъас дагIай уйи хабарар ппара ягIархьасе. Инсанар бинайихъди багу хьасе.

Хье Агъул райондиъра маслехIет акьуна ая фиштти гъайчина ме иса маджлисар. Джалла аркьай аядегьен курар хьасе Роспотребнадзордин санитарно-эпидемиологический кьайдабурихъди джуваб ай.

Камиль Мирзоев