Кочегар — ппара Iайи лазим пеша э. Гин кар рехIетти аргвайчира ппара Iайи четинф э. Ме карди гуджра кканвей, сабура кканвей. Математика, физика ягIар хьуна кканде. Килди четинвел кочегардин – ягъра, Iуьшра кар акьуна кканвей.

Ягъди пичиъ ая цIайисра улар атуна кканде, хьеттин давленисра тамаш акьуна канде, кеттвея усар айчинра тамаш акьуна кканде. Авала кочегарар авефе поездариъ пароходариъ. Фай азман кIетIабура ачархъай пичариъ уголь. Гьал хIа мактабар акьуна хаб гисариъ лазим хьуне кочегарар.

Газар вередегьен кочегардин пешайин лазимвел чIукь вея. Инсанари алихьай газун пичар. Газ адава дагьарарин районариъ кканди аме ге пеша. Кочергарвел акьас рехIет даваф хабар кея хIуькуматисра. Ама четин кар суман, савабин кара э. Ппара хIа кар э инсанарис ибгIавел иб.

Расим Гучудадов