Ахиран вахттари инсанар вардиш хьуная цIайи аттархьу коронавирус агъа итталихъди. Сифтта ппара читин хьуне инсанарис ме итталин гьавайин гъавурдиъ адавай, аркьаф-даркьаф дагIай. Ппара хьуне те вахттари ме итталихъ хъудугъаттара, фас пичин, иттал уч рукьастти гьехъди, мин хабарар ппара рукьуна уйи. ДехIела инсанарин хиялдиъ уйи варха хIуькуматариас рукьас дава пуна, Iемалар хьасе пуна. Амма са вахттра дахьуна, коронавирус рукьуне хье вилайятидира. Ппара джафа дивуне духттурарира, хIуькуматин хIаттарира ме иттал са багухъди арайилди дивас. Хъара читин хьуне арабир аркьай коронавирус яваш вейи, са вахттра гIадавей хаб бадил вейи цIае джуре итталин. Гьер гагьуни гьер джурейис тIуршайи ме иттал. Амма, шукур хьурай, ягIайин ягъас, уйи гьавайихъ хъуттурфуна, иттал яваш хьуне. Гьалдис алийина уйи къадагъабура чIукь акьуне. Айчира инсанари мугъатвел фадигьуна ккандава. Фас пичин, ме ппара иблис иттал э. ДехIела гьер инсанди, учин хизанарин сагъвелдин бадала, гъушуна аркьай кканде дезинфекция гъиларин, экьуная хуларин, джигагьарин. Садтталара, хъара акьуна кканде вакцинация. Гьерф учин джандин сагъвелдихъ хъучудушучин, сасра гихъ хъучевес дава.

Л. Гусукаева