Ушу хIефттайиъ Махачкалайиди адина уйи «Одноклассникариъ» кар аркьа инсанар: Роман Осин, Александр Володин, Юлия Лебедь, Марина Краснова хъара «Лига безопасного интернета» агъа ассоциацин хIаттин заместитель Станислав Скусов. Гебур унахъуна файдинаф хье республикайин Министерство печати и информации э.

 

Дагъусттандин шиниккварин команда гъушуная сад пе мукь «Изучи интернет, управляя им» агъа марафондиъ. Ге шиниккварис призар фачиянас адинафе С.Скусов. Джалла зурбабурис йине грамотабур хъара джаллайиъ са фотоаппаратра.

Ге пай ккиркIухаб гъургъуне Юлия Лебедь, «Одноклассникарин» медиаменеджер. Гебирин хабарарилди Дагъусттандин 534 (гIифу вершна хьибцIурна якьу) инсан ая ге социальная сетьдиъ. Ме хIерфар ягIархьеф гьер инсандин страницайиъ ая шагьурарихъра хъара интернетиди ачIавея мукьарихъ хъуттурфуна э.

Хабди ахъакьуне фиштти аркьайчин группабур, фиштти чиппи кумак аркьайчин гисаъ цIаку шейэр, чIирхIе хабарар ихьучин инсанарихъас.

Iудпеф гъургъу Р.Осина ахъакьуне фиштти аркьайчин реклама вас кканди ая шейэрин.

Красновайи пуне чиппин сеть сед пеф э чаб сумантаригъ хъуттурфу видеобириас. Гебирин удигь гьаяф Iаре YouTube э, ама ге социальная сеть дава.

Са руша гъайшина адинаттарис учихъас чIирхIе ишкилар ихьуна ая пуне сасрабири «Одноклассникариъ», учивас гебур кетас вей адава пуне ги, кумак акье пуне учис. Джалла гъургъубар ккиркIухаб хьучишаб пуне гис, кумак акьасе пуне чиппи.