Дуьйил алми аркьая савабин курар

Гьер инсандин вазифа э ме дуьйил яшамиш веядегьен вахттуни учивас агърукьа иджвел акьуб. Иджвелин кар мус акьуфчира, нандиъ акьуфчира гlачавесттава. Дуьйил алми акьу зурба курарихъас ахиратиъра ппара саваб ая. Гьакlанди пуная чlалар дава рекъер, мугlар, мазгитар акьу инсанарис джаннатин раккар дахъуная пун.

Ягlайин ягъас ке савабин курарикес сад хlисаб аркьая кумак акьуб хье Дагъусттандиъ акьас хъучучlуна Iиса пайгъамбардин ттур але духовный центр. Ме ус акьас башламиш акьунафе lу агъзурна цlегlуьфудпе исахъас хаб, амур акьун lу агъзурна къана гlуьфудпе исас ккиркlвагъилди.

Кlилди гьеме азман манзили ккийиная мазгит гъадиваф хье Дагъусттандин халкьдин кумакилди э. Гьер са шагьурдиас, са райондиас нубат къихьуна ве мич кумакис инсанар. Варха усарихъас адес давереттари пулулдира кумак аркьа.

Къана муядпе февральди мич ушубан нубати и хье агъуларин джемеlетин. Кlилил гъузуна мич кумакис ушуна уйи хье райондин имам Ахlмад-Хlеджи Гаруновра, хъара хlурариъ ая имамара гебурихъай чиппин хlурин инсанара, гебур кидавай шагъурариасра адеттара уйи. lу ягъди чиппивас агърукьагъилди джафа дивуная мебури ме мазгитахъас.

Мишттин курар садпегелай дава хье агъуларин джемеlети ме мазгит бадала аркьай. Учин багухъас мисал завалхьудегьен джемеlетис райондин имама пуне чугъ сагъул мич адебан. Хъара джандин сагъвел хьурай хье халкьдин мишттин савабин курар акьас.

Батитай Габибулаева

Добавить комментарий

Ваш адрес email не будет опубликован. Обязательные поля помечены *