Дагусттандин вилаятин отделенин Общероссийский общественный организацин бицIиттарна кьадарин савдагарарин «Опора России» агъавусан хIаф э Зульгимар Тагибова-Ричинская.
Зульгимар Тагибова-Ричинская ЧIаарин хIуриас э Агуларин райондин. Махьтабиъ ги иджи хуруф э. Джала олимпиадабуриъ, мегIакабуриъ ги садпе, Iудпе мукьар гъуршанф и. Учис Iуьрус чIалан дарс кканверехIела, учин бабан рекъуьъ ушуна, ги хуруне ДГУйин филфак. Хуруна кIиркIухаб, 25 исалас вартт кар аркьай хьуне махьтабиъ. Махьтабиъ айя вахттуни Зульгимаракес хьуне замдиректора воспитательный кардиас. Зульгимар Тагибова-Ричинская э «Заслуженный учитель РД».
Хабди хьуне гикес савдагар, ООО «Радугайин» хIаф. Ге хъара и член национальный ассоциацин экспертарин деловой этикайин, хъара эксперт деловой этикетдинра протоколарин федеральный каналарин, и член Общественный советин модернизацин образованин федеральный проектин «Новая школа» агъаттин В. А. Садовничегойин, и член общественный комиттетарин гьер джураин министерствабурин.
Зульгимар Тагибовайин айя ацIуна ликIиная статьябур «Российская газетайиъ». Гикес хьуне хIаф «Вместе сможем» агъа АНОйин.
Зульгимар Тагибовайи ликIиная проекттар: «Бизнес для мамы», Новые возможности для женщин». Ги гъушуная садпе мукьар ацIуна региональныбуринра федеральный бехIсунин маджлисариъ: «100 лучших предпринимателей», «Предприниматель России», «Личный вклад года», хъара ацIуна усариъ. Ге э модераторра, спикерра ацIуна всероссийскибуринра, международныбурин круглый столарин, конференцибурин МСП.
Са вахттуни Зульгимар Тагибова и хIаф дагъусттандин отделенин ООО «Опора России». Хабди, 29 октябрьди 2020 иса мегIракайиъ сесарилди гIаттивуне ме председательвелди ДРОО МСП «Опора России» якьу исанди.
«Зун чугъсагъул агъа джалабурис, зас ме кар аманат акьуттарис, зе кар агваракьас кIилди джемеIетис. Че отделениъ ая агьалдис 100 инсан, гебур джала хIезурди ая батIарди кар акьас, иджехьас учин хIуькуматис. Чин авалара ппара батIарди кар аркьай уйи ккегъдивас хумбарин савдагарвел, хъара батIарди акьасе чин кар гебадалди. ЯгIа йиная час хъара мугьлат че кьуват агвар акьас», — пуне Зульгимар Тагибовайи.
Зульгимар гIачучIуна уйи ацIуна международный экономический форумаригъ, ге хъара ушуна уйи евразийский хумбарин форумдиди. Гис учин бренд «Эмилия Риччи» агъаттиас йиная диплом «Международной выставки». Ги ацIуна кумак аркьа гъилилдира, чIалалдира социальный проектарис. Зульгимар гIачархьуна уйи 15 хумбар-савдагараригъ, официально унахъунаттаригъ гьучархьас РФ Правительствойин Председатель Михаил Мишустинахъай.
Зульгимар Тагибовайис йиная ацIуна джавизара, чугъсагъул агъа кIеджара «Опора России»асна Совет Федерациас.
Председатель Совфеда РФ Валентина Матвиенкойи хIа чугъсагъул агъа кIедж «За вклад в развитие женского предпринимательства» йине Зульгимар Тагибовайис. Ге кIедж мин гъилилди йине зампредди Совфеда ФС РФ Галина Кареловайи.
Зульгимарахъ хъара хъайя Махачкалайиъ бицIи шиникварин кунарин, лекарин, будаярин дукванар «Карапуз» агъаттар.
Учин хIуринттарисра ппара кумак аркьа Зульгимара. Хъара ппара хьурай агъуларихъ мишттин кьуват хъайя дишегьлибур.
Нафият Шамсудинова
