Дагъустандин Правительствойин Председатель Артем Здунов ушуна уйи хъуттурфанас фиштти аркьайчи Сулакский каноньдиъ бизарвел алатас эркьва мукьар. Правительствойин Председательдихъай уйи Дагъусттандин Минтуризмайин  хIаф Расул Ибрагимов.

Гебури хъуттурфуне фиштти хIезур вейчи ме объект.  Амма  объект официально дахъуна адавайчинара, туристтарис ппара идже хьуная шавла хьунае вегIдуни бизарвел алатас. Ппара муфиIэт кея мукь  хьуная мисакес.

Мисаъди адинае гIалашуварифас ве, варха рекъуьас адегуна абкьанинттар акьас, идже шартIар ая усаъ.

Мисаъ ухас ве кофе, хъара гуьянас дагъусттандин усттабури акьунае сувенирар, джемеIэтин сагъвел бадала, чуларин багулив алийиная вахтт ами хабар аркьа знакар.

Ме объектиъ  фачийиная сельскохозпроизводителярис  чулар, гебрифсас хьасе масса фачиянас чиппин продуктар.

Хъара кIвал акьас ккандея зас,  Дагъусттандиъ  аркьаяф  8 туристтарин  йиркьвалттвере  мукьар, хьасе агъа маршруткабур Iайи ппара ттуристтар завал вере мукьариъ вереттар, алиянасе агъа новигаторар, хъара дуз акьасе агъа машинар гъата, гуни Iэле мукьара.

 

Ж. Хамазаева